spot_imgspot_imgspot_img
29 Mart, Cuma - 2024

Gösterilecek bir içerik yok

Vîrê kurdan û pêşengehê Ahmet Guneştekînî

Mahîr Uzmez

Yew hewte over Amed de pêşengehê Ahmet Guneştekînî ê bi nameyê ‘Odaya Vîrî’ ame akerdin. No pêşengeh heta name, naverok û şexsîyetê ke tewrê ci bîyî zaf ame rexnekerdin. Naverokê nê rexneyan de tewr zêde nizdîbîyayîşê dej û vîrî ê kurdan est bî û rexneyî zî zaf ca de bî. Heta enka zaf tenê ke qet alakaya înan bi dej û vîrê kurdan çinî bi qalî kerdî, la belê fikir û rexneyê şarê kurdî no pêvajoyî de bi sîstematîk nêameyî nuştin. Ez no nuşteyê xo de hewl bida nê rexneyan bi hewayêko sîstematîk raya pêroyên reyde par bikera.

Ahmet Guneştekîn sey yew hunermendêk kurd yeno şinasnayîş. Heta enka beşa wêneyî de kar û xebatan kerdo. Nê serranê peyênan de bi yew hewa tekilîya ci bi Tirkî-Sipîyan reyde vêşî bî. Ahmet Guneştekîn 23ê nîsana 2020î de semedê roja akerdina meclîsî yê tirkan yew vîdeo-klîp zî viraşt bî û par kerdî bî. Nuştoxê Hurriyetî Ertugrul Ozkokî zî 24ê nîsana 2020î de koşeyê xo de no vîdeoyî rê spasîyê xo Ahmet Guneştekînî rê kerd. Merdim şêno mînakanê winasîyan vêşî bikero. Ez bawer kena bi no mînake terafê Ahmet Guneştekînî wendoxanê ma rê bida fehmkerdin.

No bingehî reyde Ahmet Guneştekîn Amed de sûka sûrî mîyan de yew pêşengehê bi nameyê “Odaya Vîrî” akerd. Ahmet Guneştekînî enawa yew pêşengehêk bi kamî meksedî akerd, ay hema nîno zanayîş… La belê ay dîmenê ke akerdişî de vejîyayî werte xo reyde meksedê no pêşengehî de yew fikir da şarê kurdî û rexneyê serê peşengehî zî bingehê xo ewtara gênê.

Vîrê kurdan de tena dej esto û dej reyde nîno kaykerdene…

Ma verê heme çî bi nameyê pêşengehî “Odaya Vîrî” dest bikerê. Vîrê yew civako ke sey civak yeno zanayîş “HAFIZA” yê ay ciwakî yo. Vîrê kurdan de zî tena tertele, kiştiş, tepiştiş, îşkence û surgun esto. Coka wexto ke qala no pêşengehî ame kerdiş heme kes paweyê nê buyeran bî. La belê pêşengehî de bi tabutê rengînan ame no wate; sankî kiştişê kurdan yew çîyo weş û rengîn o… No zî qîm nêkerd tayn meymanî vernîya nameyê şehîdan û vernîya nê tabutan de fotograf antî û seke çîyêko weş o medyaya dijîtalî de bar kerdî. Reyna mêymanê ke ameyî dawetkerdin mîyan de pêro zî sîyasetmedar, nuştox, rojnamevanê ke eleqayê înan qet bi dejê kurdan çinî yo bî. Hele ay govend û muzîk zî semedê şarê kurdî bî dilopa peynî!
Ez wana ke; dejê kurdan Almanya de, Azerbaycan de, Stenbol de zî kes nişto bi saz û govend bîyaro têhet. Hele yew cayêko sey Sûrî de ke hema zî boya qetlîyamî ci ra yena de merdim qet niştê bi saz û govende kar bîyaro. No kiryar verva heme çî dejê şarê kurdan rê bêhurmetî yo.

Verva nê bêhurmetî şarê kurd taybetî zî ciwanê kurdan verva nê pêşengehî vanê ke; “Oyta de yew pêşengeh nêame akerdin, oyta de xîyat bi heme nirxê şarê kurd û şarê Amedî yeno kerdin. Tabutê ke ameyê amadekerdin, kiştinê bê faîlê yê. O wext Wezîrê Karê Zereyî Meral Akşenere hem qetlîyam serê şarê kurdî de viraşte, hem zî erşawitina çelengê xo reyde nê cînayetan pîroz kena. Reyna roja ke muzîk û kulturê kurdan yeno qedexekerdin, no pêşengeh bi muzîk û govende yeno akerdin… Eke şima raştîra yew VÎRî geyrenê, tena dêsê Sûrî yê Amedî ra boynîyê bes o.”

Enka heme şarê kurd no persî perseno; enasar yew pêşengeh bi no hewa qey ame akerdin?
Werte de yew çîyêko eşkere esto. Ahmet Guneştekîn bi no pêşengehê xo dejê şarê kurdî nêardo ziwan, bi no pêşengehî dejê şarê kurdan maseya Tirkê-Sipîyan de kerdo mezeyê keyf û sefayî. Yew wa xo rê meydan veng nêveyno û bi hesabê şinikan nizdîyê nirx û rumeta şarê kurdan nêbo. Şarê kurd hema zî şêno bi rayîr û rêbazê demokratîkan wayîrê nirxanê xo vejîyo.
Şarê kurd bê wayîr nîyo…

Vîrê kurdan û pêşengehê Ahmet Guneştekînî

Mahîr Uzmez

Yew hewte over Amed de pêşengehê Ahmet Guneştekînî ê bi nameyê ‘Odaya Vîrî’ ame akerdin. No pêşengeh heta name, naverok û şexsîyetê ke tewrê ci bîyî zaf ame rexnekerdin. Naverokê nê rexneyan de tewr zêde nizdîbîyayîşê dej û vîrî ê kurdan est bî û rexneyî zî zaf ca de bî. Heta enka zaf tenê ke qet alakaya înan bi dej û vîrê kurdan çinî bi qalî kerdî, la belê fikir û rexneyê şarê kurdî no pêvajoyî de bi sîstematîk nêameyî nuştin. Ez no nuşteyê xo de hewl bida nê rexneyan bi hewayêko sîstematîk raya pêroyên reyde par bikera.

Ahmet Guneştekîn sey yew hunermendêk kurd yeno şinasnayîş. Heta enka beşa wêneyî de kar û xebatan kerdo. Nê serranê peyênan de bi yew hewa tekilîya ci bi Tirkî-Sipîyan reyde vêşî bî. Ahmet Guneştekîn 23ê nîsana 2020î de semedê roja akerdina meclîsî yê tirkan yew vîdeo-klîp zî viraşt bî û par kerdî bî. Nuştoxê Hurriyetî Ertugrul Ozkokî zî 24ê nîsana 2020î de koşeyê xo de no vîdeoyî rê spasîyê xo Ahmet Guneştekînî rê kerd. Merdim şêno mînakanê winasîyan vêşî bikero. Ez bawer kena bi no mînake terafê Ahmet Guneştekînî wendoxanê ma rê bida fehmkerdin.

No bingehî reyde Ahmet Guneştekîn Amed de sûka sûrî mîyan de yew pêşengehê bi nameyê “Odaya Vîrî” akerd. Ahmet Guneştekînî enawa yew pêşengehêk bi kamî meksedî akerd, ay hema nîno zanayîş… La belê ay dîmenê ke akerdişî de vejîyayî werte xo reyde meksedê no pêşengehî de yew fikir da şarê kurdî û rexneyê serê peşengehî zî bingehê xo ewtara gênê.

Vîrê kurdan de tena dej esto û dej reyde nîno kaykerdene…

Ma verê heme çî bi nameyê pêşengehî “Odaya Vîrî” dest bikerê. Vîrê yew civako ke sey civak yeno zanayîş “HAFIZA” yê ay ciwakî yo. Vîrê kurdan de zî tena tertele, kiştiş, tepiştiş, îşkence û surgun esto. Coka wexto ke qala no pêşengehî ame kerdiş heme kes paweyê nê buyeran bî. La belê pêşengehî de bi tabutê rengînan ame no wate; sankî kiştişê kurdan yew çîyo weş û rengîn o… No zî qîm nêkerd tayn meymanî vernîya nameyê şehîdan û vernîya nê tabutan de fotograf antî û seke çîyêko weş o medyaya dijîtalî de bar kerdî. Reyna mêymanê ke ameyî dawetkerdin mîyan de pêro zî sîyasetmedar, nuştox, rojnamevanê ke eleqayê înan qet bi dejê kurdan çinî yo bî. Hele ay govend û muzîk zî semedê şarê kurdî bî dilopa peynî!
Ez wana ke; dejê kurdan Almanya de, Azerbaycan de, Stenbol de zî kes nişto bi saz û govend bîyaro têhet. Hele yew cayêko sey Sûrî de ke hema zî boya qetlîyamî ci ra yena de merdim qet niştê bi saz û govende kar bîyaro. No kiryar verva heme çî dejê şarê kurdan rê bêhurmetî yo.

Verva nê bêhurmetî şarê kurd taybetî zî ciwanê kurdan verva nê pêşengehî vanê ke; “Oyta de yew pêşengeh nêame akerdin, oyta de xîyat bi heme nirxê şarê kurd û şarê Amedî yeno kerdin. Tabutê ke ameyê amadekerdin, kiştinê bê faîlê yê. O wext Wezîrê Karê Zereyî Meral Akşenere hem qetlîyam serê şarê kurdî de viraşte, hem zî erşawitina çelengê xo reyde nê cînayetan pîroz kena. Reyna roja ke muzîk û kulturê kurdan yeno qedexekerdin, no pêşengeh bi muzîk û govende yeno akerdin… Eke şima raştîra yew VÎRî geyrenê, tena dêsê Sûrî yê Amedî ra boynîyê bes o.”

Enka heme şarê kurd no persî perseno; enasar yew pêşengeh bi no hewa qey ame akerdin?
Werte de yew çîyêko eşkere esto. Ahmet Guneştekîn bi no pêşengehê xo dejê şarê kurdî nêardo ziwan, bi no pêşengehî dejê şarê kurdan maseya Tirkê-Sipîyan de kerdo mezeyê keyf û sefayî. Yew wa xo rê meydan veng nêveyno û bi hesabê şinikan nizdîyê nirx û rumeta şarê kurdan nêbo. Şarê kurd hema zî şêno bi rayîr û rêbazê demokratîkan wayîrê nirxanê xo vejîyo.
Şarê kurd bê wayîr nîyo…