Duşem, Mijdar 29, 2021

‘AKP Sûrîye de dekewto tenganî’

Serokkomarê AKPyî Tayyîp Erdogan badê kombîyayîşê peynî ê kabîneye sînyalê operasyonê vera vakurê rojhelatê Sûrîyeyî da. Badê Erdoganî, Wezîrê Karê Teberî Mevlut Çavuşogluyî zî eşkerayîya xo de vat ke ‘Ma do bi xo nakê xo bibirnî’.

Hemverfekê Karê Teberî yê Partîya Demokratîke ya Şaran (HDP) Hişyar Ozsoyî derheqê babete de qisey kerd û dîyar kerd ke Serokkomarê AKPyî Tayyîp Erdogan Soçî de waşto ke tayna wext bikero derg û vat: “Îdlib de hem hetê Rûsya hem zî hetê Sûrîyeyî ra hêrişê cîddî estî. Qasê ke ma fehm kenê Tirkîya tay sozan daya Rûsya û sozanê xo nêarda ca. Demê peyênan de Efrîn zî tede vera xeylê herêmanê ke Tirkîya ewja dagir kerda de têgêrayîşê leşkerî esto. Tersan vera şîyî ewja û waştî ke tayna wext bikerê derg. Vatî ke ê seba gazê xozayî û bazirganîye şîyî ewja. Erdogan tena serê xo pêvînayîş pê ard û heyetê ci tewrê pêvînayîşî nêame kerdene. Ma nêzanê no pêvînayîşo tena serê xo de çi bazarî ameyo kerdene. Wina asîyeno ke bawerîya ci bi kesê tewr nizdîyê ci zî nîna.”

Serebûtê cîdî qewimîyenê

Ozsoyî dewamê qiseykerdişê xo de ard ziwan ke hetê Îdlibî ra Sûrîye de serebûtê cîdî qewimîyenê û seba ke şerê Sûrîyeyî peynî bibo DYA û Rûsya hetê peymanekî ra şonî û vat: “Beno ke Tirkîya înan vera polîtîkayê xo yê nakokî û wextê şerî derg bikera û leqê Rûsya û DYA bêra. Êdî selahîyetdarê Sûrîyeyî seba vejîyayîşê Tirkîya bi ziwanêko pît qisey kenî. Sûrîye de mabenê hêzê girdan de peymanêk newe virazîyeno. Na rewşe zî Tirkîya tengî de vera dana.”

Tirkîya çîyêk nêkerda çîyêk ser

Ozsoyî vat ke selahîyetdarê Şamî hewl danê ke problemanê xo yê bi welatanê ereban reyde çareser bikerê û polîtîkayê Tirkîya Îdlibî de tehluke de yê. Ozsoyî wina domna: “Roja ke Tirkîya dekewta Sûrîye ra heta nika tu çîyêk nêkerda çîyêk ser û her çiqas ke xeylê problemî verika Tirkîya de bibî zî Erdogan herinda ke herême ra vejîyo hewl dano ke Sûrîye de bimano. Hêzê mîyanneteweyî û Sûrîye êdî vanê ke wa Tirkîya Sûrîye ra vejîya. Beno ke na rewşe sey serewedarnayîşêk biasîya. Nika pratîk de operasyonêk wina çinî yo. 5-6 serranê peyênan de karakterîstêk polîtîkayê teberî ê Erdogan û Tirkîya estbî. Na rewşe dorme kena têmîyan û tansîyon berz kena. No psîkolojîyê domanan ê ke wazenê tay kesî înan reyde mijul bibî yo. Tirkîya hewl dana Amerîka reyde têkilî rona. Coka ra vengê xo berz kena û hewl dana têmîyanîyan bizêdna. Bi no hawa wazena ke bale bianca. Sûrîye de seba Erdoganî zemînêk ke çend şêro teng bibo, esto. Eke biaqil bibo, ganî bizano ke kam ca ra abigêro. Eke Tirkîya rolê xo de israr bikera, rojê zehmet paweyê Tirkîya bî.” ANQARA

‘AKP Sûrîye de dekewto tenganî’

Serokkomarê AKPyî Tayyîp Erdogan badê kombîyayîşê peynî ê kabîneye sînyalê operasyonê vera vakurê rojhelatê Sûrîyeyî da. Badê Erdoganî, Wezîrê Karê Teberî Mevlut Çavuşogluyî zî eşkerayîya xo de vat ke ‘Ma do bi xo nakê xo bibirnî’.

Hemverfekê Karê Teberî yê Partîya Demokratîke ya Şaran (HDP) Hişyar Ozsoyî derheqê babete de qisey kerd û dîyar kerd ke Serokkomarê AKPyî Tayyîp Erdogan Soçî de waşto ke tayna wext bikero derg û vat: “Îdlib de hem hetê Rûsya hem zî hetê Sûrîyeyî ra hêrişê cîddî estî. Qasê ke ma fehm kenê Tirkîya tay sozan daya Rûsya û sozanê xo nêarda ca. Demê peyênan de Efrîn zî tede vera xeylê herêmanê ke Tirkîya ewja dagir kerda de têgêrayîşê leşkerî esto. Tersan vera şîyî ewja û waştî ke tayna wext bikerê derg. Vatî ke ê seba gazê xozayî û bazirganîye şîyî ewja. Erdogan tena serê xo pêvînayîş pê ard û heyetê ci tewrê pêvînayîşî nêame kerdene. Ma nêzanê no pêvînayîşo tena serê xo de çi bazarî ameyo kerdene. Wina asîyeno ke bawerîya ci bi kesê tewr nizdîyê ci zî nîna.”

Serebûtê cîdî qewimîyenê

Ozsoyî dewamê qiseykerdişê xo de ard ziwan ke hetê Îdlibî ra Sûrîye de serebûtê cîdî qewimîyenê û seba ke şerê Sûrîyeyî peynî bibo DYA û Rûsya hetê peymanekî ra şonî û vat: “Beno ke Tirkîya înan vera polîtîkayê xo yê nakokî û wextê şerî derg bikera û leqê Rûsya û DYA bêra. Êdî selahîyetdarê Sûrîyeyî seba vejîyayîşê Tirkîya bi ziwanêko pît qisey kenî. Sûrîye de mabenê hêzê girdan de peymanêk newe virazîyeno. Na rewşe zî Tirkîya tengî de vera dana.”

Tirkîya çîyêk nêkerda çîyêk ser

Ozsoyî vat ke selahîyetdarê Şamî hewl danê ke problemanê xo yê bi welatanê ereban reyde çareser bikerê û polîtîkayê Tirkîya Îdlibî de tehluke de yê. Ozsoyî wina domna: “Roja ke Tirkîya dekewta Sûrîye ra heta nika tu çîyêk nêkerda çîyêk ser û her çiqas ke xeylê problemî verika Tirkîya de bibî zî Erdogan herinda ke herême ra vejîyo hewl dano ke Sûrîye de bimano. Hêzê mîyanneteweyî û Sûrîye êdî vanê ke wa Tirkîya Sûrîye ra vejîya. Beno ke na rewşe sey serewedarnayîşêk biasîya. Nika pratîk de operasyonêk wina çinî yo. 5-6 serranê peyênan de karakterîstêk polîtîkayê teberî ê Erdogan û Tirkîya estbî. Na rewşe dorme kena têmîyan û tansîyon berz kena. No psîkolojîyê domanan ê ke wazenê tay kesî înan reyde mijul bibî yo. Tirkîya hewl dana Amerîka reyde têkilî rona. Coka ra vengê xo berz kena û hewl dana têmîyanîyan bizêdna. Bi no hawa wazena ke bale bianca. Sûrîye de seba Erdoganî zemînêk ke çend şêro teng bibo, esto. Eke biaqil bibo, ganî bizano ke kam ca ra abigêro. Eke Tirkîya rolê xo de israr bikera, rojê zehmet paweyê Tirkîya bî.” ANQARA