Pêncşem, December 2, 2021

Almanya de Partîya Demokrate ya Sosyal ser kewte

Ewro netîceyê fermî ê weçînayîşê Almanya ame eşkerakerdene. Goreyê netîceyê fermî Partîya Demokrate ya Sosyal se ra 25.7 û Partîya Merkele ya Muhafezekaran zî 24.1 rayan girewte. Almanya de weçînayîşê vizêrinî de ‘dewrê Merkele’ yê 16 serran bi hawayêkê fermî qedîya. Goreyê mîktarê peyênî Partîya Çepe beno ke binê bendî de bimana.

Almanya de weçînayîşê vizêrinî de ‘dewrê Merkele’ yê 16 serran bi hawayêkê fermî qedîya. Weçînayîş de partîya Merkele Yewîya Demokratan ê Xirîstîyanan (CDU) û Partîya Çepe bin kewtî. Goreyê netîceyanê fermîyan ê demkîyanê ke serê sibayî eşkera bîyî CDUyî û hemkarê CSUyî se ra 24.1 rayî girewtî.

Partîya Çepe se ra 4.9 rayî girewtî. Eke wina bo Partîya Çepe do binê bendî de bimana. Berlimî ra Gregor Gysi û Gesine Loetzsch, Leipzigî ra Soeren Pellman herêmanê xo de rayê zêdeyî girewtî û heq kerd ke tewrê Meclîsê Federalî bibê.

Partîya Çepe lîsteyanê xo de ca dabî xeylêk namzetanê kurdan. Laschet û Merkele kampanyaya weçînayîşî de pê vateyê ‘Ganî ma welat teslîmê komunîstan nêkerê’ Partîya Çepgîre hedef kerdbî.

Hemsereka Partîya Çepe Susanne Hennig-Wellsow verî îfade kerdbi ke eke partîya înan bin bikewa ê do îstîfa bikerê. Sereka verêne ya Partîya Çepe Sahra Wagenknecht bernameyêkê televîzyonî de îdareyê partî rexne kerdbi.

Serkewteyê weçînayîşî Partîya Demokratan ê Sosyalan (SPD) û Partîya Keskan ê. SPD pê mîktarê se ra 25.7 bi partîya yewîne û Partîya Keskan zî se ra 14.8 rayî girewtî. FDP pê mîktarê se ra 11.5 û AFD zî pê mîktarê se ra 10.3 tewrê Meclîsê Federalî bîyî.

Wina pawîyeno ke Koalîsyonê Kesk-FDP-SDPyî ra Olaf Scholaz bibo serekwezîr.

Almanya de Partîya Demokrate ya Sosyal ser kewte

Ewro netîceyê fermî ê weçînayîşê Almanya ame eşkerakerdene. Goreyê netîceyê fermî Partîya Demokrate ya Sosyal se ra 25.7 û Partîya Merkele ya Muhafezekaran zî 24.1 rayan girewte. Almanya de weçînayîşê vizêrinî de ‘dewrê Merkele’ yê 16 serran bi hawayêkê fermî qedîya. Goreyê mîktarê peyênî Partîya Çepe beno ke binê bendî de bimana.

Almanya de weçînayîşê vizêrinî de ‘dewrê Merkele’ yê 16 serran bi hawayêkê fermî qedîya. Weçînayîş de partîya Merkele Yewîya Demokratan ê Xirîstîyanan (CDU) û Partîya Çepe bin kewtî. Goreyê netîceyanê fermîyan ê demkîyanê ke serê sibayî eşkera bîyî CDUyî û hemkarê CSUyî se ra 24.1 rayî girewtî.

Partîya Çepe se ra 4.9 rayî girewtî. Eke wina bo Partîya Çepe do binê bendî de bimana. Berlimî ra Gregor Gysi û Gesine Loetzsch, Leipzigî ra Soeren Pellman herêmanê xo de rayê zêdeyî girewtî û heq kerd ke tewrê Meclîsê Federalî bibê.

Partîya Çepe lîsteyanê xo de ca dabî xeylêk namzetanê kurdan. Laschet û Merkele kampanyaya weçînayîşî de pê vateyê ‘Ganî ma welat teslîmê komunîstan nêkerê’ Partîya Çepgîre hedef kerdbî.

Hemsereka Partîya Çepe Susanne Hennig-Wellsow verî îfade kerdbi ke eke partîya înan bin bikewa ê do îstîfa bikerê. Sereka verêne ya Partîya Çepe Sahra Wagenknecht bernameyêkê televîzyonî de îdareyê partî rexne kerdbi.

Serkewteyê weçînayîşî Partîya Demokratan ê Sosyalan (SPD) û Partîya Keskan ê. SPD pê mîktarê se ra 25.7 bi partîya yewîne û Partîya Keskan zî se ra 14.8 rayî girewtî. FDP pê mîktarê se ra 11.5 û AFD zî pê mîktarê se ra 10.3 tewrê Meclîsê Federalî bîyî.

Wina pawîyeno ke Koalîsyonê Kesk-FDP-SDPyî ra Olaf Scholaz bibo serekwezîr.