Rojnameya Heftane

Bi pirtûka xwe civakê rakir ser pêyan

“Dilê min ji ber xemgîniya hovîtî û neheqiyên ku gelê min ji koleyan re reva dibîne, parçe dibe. Hin şevan dema li gel te radizam dayikên kole ku zarokên wan ji destê wan tê girtin difikirim…

Bîlançoya zilma li ser kurdan

Li Tirkiyeyê êrîşên ku ji hêla dewlet û nijadperestan ve li kurdan tên kirin, didomin. Hefteya borî ev êrîş derketin asteke bilind ku dilê kurdan dag kirin û qet nayên qebûlkirin. Di êrîşan…

‘Ambargoyê rakin’

13 hezar şêniyên Wargeha Penaberan a Mexmûrê hene û di salên 90’î de ji ber êrîşan neçar man ku berê xwe bidin başûrê Kurdistanê. Dema koçber bûn bi gelek pirsgirêkan re rûbirû man û cih guhertin. 17’ê tîrmeha sala 2019’an li Restoranteke Hewlerê rêveberekî Îstixbarata Milî ya Tirk (MÎT) hat kuştin û piştre rêveberiya PDK’ê wargeha Mexmûrê dorpêç kir û ambargo danî serê. Piştî ambargoyê nexweş nikarin biçin nexweşxaneyên Hewlêrê, xwendekar nikarin biçin dibistanên xwe û şênî nikarin pêwistiyên xwe yên rojane nikarin pêk bînin. Berpirsên wargehê xwestin bi rayedaran re hevdîtinan pêk bînin lê heta niha tu encam wernegirtine.

Parlamentera Partiya Demokratîk a Gelan (HDP) ya Êlihê Feleknas Ûca mijara ambargoyê nirxand û got: “Şeniyên wargehê di pêvajoya 27 salan de li hember êrîş, koçberî, xizanî, şert û mercên nebaş têkoşîneke jiyanê ya bêhempa dan meşandin.” Her wiha Ûca, bal kişand ser mijara yekitiyê û berdewam kir: “Li her çar parçeyên Kurdistanê êrîşên tunekirin û desteserkirina deskeftiyan hene. Li beramberî van êrîşan tenê rêyeke çareseriyê heye ew jî yekitî ye. Ger îro em qala yekitiya kurd û hatina ba hev ya partiyên siyasî bikin divê em ambargoya li ser Mexmûrê tê meşandin jî nîqaş bikin.  Divê ambargo bê rakirin û kurd xwedî li Mexmûrê derkevin.” AMED