Berê li Australyayê tenê baskê leşkerî yê rêxistina Ixwan Muslimîn (Birayên Misilman) di nava lîsteya terorê de bû lê îro êdî hemû baskên vê rêxistinê yên siyasî û leşkerî di nava lîsteya terorê ya wî welatî de ne.

Îro Wezîra  Karên Hundir a Australyayê Karen Andrews der barê vê rêxistinê de daxuyaniyek da. Di daxuyaniyê de wiha gotin: “Rêxistina Ixwanan a ku Îranê piştgiriya wê dike gef û êrîşên xwe berdewam dike û piştgiriyê dide rêxistinên terorîst. Bi vê yekê ji bo Austiryayê gefeke rastî û mezin e”

Rêxistina Hizbulahê ji sala 1997’an de cihê xwe di nava lîsteya terorê ya DYA’yê de digire. Washingtonê berê jî bang li Neteweyên Yekbûyî kiribû ku vê rêxistinê, bi baskê wê yê siyasî û leşkerî, bixin nava lîsteya rêxistinên terorê.

Austuryayê jî berê ev rêxistin bi baskê xwe yê leşkerî û siyasî xistibû nava lîsteya xwe ya terorê.

Di sala 2020’an Wezareta Xezîneyê ya Ingilîstanê jî Hizbulah xistibû nava lîsteya rêxistinên terorê, piştre Almanyayê jî tevgera herdu baskên vê rêxistinê yê leşkerî û siyasî li welatê xwe qedexe kiribû.

Lê di nava welatên Ewropayê de Holanda welatê pêşî bû ku di sala 2004’an de liv û tevgera vê rêxistinê li welatê xwe qedexe kiribû.