Hemsereka HDPyî Pervîn Buldan destpêkerdişê dewaya qirkerdişê Denîz Poyraze ra verî Îzmîr de eşkerayîyêke daye û pare kerd ke kiştox û hêzê peyê ci do hesab bidê.

Roniştişê dewaya Denîz Poyraze ewro Mehkemeya Cezaya Girane ya Îzmîrî de dest pêkeno. Cinîyan destpêkerdişê roniştişî ra dima verê Edlîyeya Bayrakli ya Îzmîrî de çapemenîye rê eşkerayîye daye.

Hemsereka Partîya Demokratîke ya Şaran (HDP) Pervîn Buldan, Vervatoxa Meclîsê Cinîyan ê HDPyî Ayşe Acar Başaran, Serekwekîla Koma HDPyî Meral Daniş Beştaş, endamê MYKyî yê HDPyî, Hemsereka DBPyî Salîha Aydenîz, Hetkara Serekê CHPyî Gulîzar Bîçer, Parlementerê CHPyî Sezgîn Tanrikulu, Hemvervatoxa HDKyî Esengul Demîr, Serekê TÎPî Erkan Baş zî tede xeylêk temsîlkarê partîyan û rêxistinan eşkerayîye de amade bîyî.

Pervîn Buldane eşkerayîye wende û vat: “Kiştox Gencer seba kaosî erşawîya bînaya ma. Labelê şaranê Tirkîya kaos red kerd û bi mîlyonan kesî bîyî Denîz Poyraze. Vateyanê nefret, kîn, xirabî û heqaretanê îqtîdarî kerd ke Denîze bikişîya. Ma soz danê Denîze ke kiştoxê ci û hêzê peyê kiştoxî do hesab bidê. Ma seba haştîye, demokrasî û edaletî xîret kenê. Terefgîrê şer û kaosî wa bizanê ke ma do qetî demokrasî, huqûq û edaletî ra fek vera medê.” ÎZMÎR