Komelê Îslamî yê Kurdîstanî (CÎK) Şêx Seîd û embazê ci pê eşkerayîyêke yad kerd ke 29ê hezîrana 1925î de ê ameyî qetilkerdene. CÎK eşkerayîya xo de tornanê înanê ke seba yewîye û serkewtişê kurdan têkoşîn kenê rê serkewtiş waşt.

Eşkerayîye de ame vatene ke Şêx Seîdî û embazanê ci seba xelisnayîşê welatî têkoşîn kerd û ewro zî tornê înan seba heman armancî vera Fîravun û Deccalanê kemalîstan têkoşîn kenê.

Eşkerayîye wina dewam kena: ”Eke tornê înan yewîya xo awan bikerê herinda nuşteyê ‘Xeyalê Kurdîstanî tîya de meftûn o’ de nuşteyê ‘Îşxalkerê wehşî û bêexlaqî tîya de meftûn ê’ do binusê. Eke tornê înan hêzê xo yew bikerê eşkenê îşxalker û kolonyalîstan Kurdîstanî ra vejê. Gorê înan do bêrê awankerdene û mîrasê şehîdan do bêro pawitene. Ma şexsê înan de şehîdanê dewaya azadîye yad kenê.  Ma qey ê kesanê ke seba yewîye û serkewtişê kurdan têkoşîn kenê serkewtiş wazenê. Ê kesê ke kalê ma darde kerdê û bêgor verdayî qetî do bêrê binkerdene.”