Li qada navbera navçeya Tillo û Berwarî ya Sêrtê agir bi daristanê ket. Welatiyên xwestin biçin şewata daristanê vemirin, eskeran welatî asteng kirin. Leşkeran bi hinceta “ewlehiye” welatî asteng kirin. Şêniyên Gundê Şûz ê navçeya Berwarî diyar kirin ku di saetên sere sibehê de agir bi daristanê ketiye. Welatiyan anîn ziman ku wan xwestiye mudaxaleyî şewatê bikin, lê eskeran ew asteng kirine.
Şewata Cûdî ji xweber vemirî
Li Çiyayê Cûdî yê Şirnexê jî li nêzî gundê Gundik Remo duh agir bi daristanê ketibû. Şewata daristanê îro ji xwe ber vemirî.
