Hêzên girêdayî TSK’ê li Metînayê daristanan talan dikin. Darên hatine birîn bi kamyonan ji herêmê dibin bajareki din. Hêzên li herêmê ku hevkariya wan bi TSK’ê re heye, bi mehan in herêmê bomberdûman dike û daristanan dişewitîne, talan xwe ya li herêmê zêdetir dike. Li gorî agahiyan hêzên girêdayî rayedarên dewletê di 20’ê cotmehê de îhaleya birîna daran daye cerdevanên Sêgirka Şirnexê. Cerdevanên li herêmê bi lezgînî li Nizûrêya Zendûrayê û li Derarêya Metînayê dest bi birîna daran kirin. Cerdevan bi kepçe û dozeran darên li herêmê dibirin û piştre agir bera qadê didin.
Darên birîne jî bi kamyonan ji herêmê derdixînin. Wêneyên ku hatine bidestxistin jî vê talanê şekere dike. Di wêneyan de tê dîtin ku bi hezaran dar hatine birîn. Ev bi tenê beşeke talanê ye.
