Şirketa Merck ya Amerîkayê niha heba Molnupiravir a li dijî Covîd 19’ê li ser gelek nexweşan hatiye ceribadin û encamên baş derketine holê. Li gorî gotareke nivîskarê BBC yê beşa tenduristiyê Jim Reid şirketa amerîkî ev hebên Molnupiravir li ser hin nexweşên Covîd 19’ê ceribandine û encamên gelekî baş derketine holê. Li gorî wan encaman ev heb dikarin hejmara kesên ji ber Covîd 19 dimirin gelekî kêm bike. Li gorî daxuyaniya vê şirketê ew xwe amade dikin ku van rojan serî li destûra bikaranîna vî dermanî bidin.
Şirketa Merck da xuyakirin heke destûra belavkirina van heban were wergirtin dê bibe dermanê pêşî yê ku bi riya dev têne xwarin, ji bo dermankirina ji nexweşiya Covîd 19.Li gorî wê gotarê heke ev derman were belavkirin dê rêjeya kesên ji ber Covîdê dimirin dakeve nîvê rêjeya niha.
