Tuesday, October 26, 2021

Dewaya Şahînî taloq bî

Dewaya rojnameger Mehmet Şahînî ke bi ‘rêxistinkerdiş û rayraberdişî’ ra ameyêne muhakemekerdene de qerarê goşdarîkerdişê şahidê nimite ame dayene

Yeno îdiakerdene ke rojnameger Mehmet Şahîn mabenê serranê 2010-2013î de Kongreya Komela Demokratîke (KCD) de xebate kerdo, tewrê eşkerayîyanê çapemenîye bîyo, pêvînayîşê çimeyê xeberan ci rê sey suca me hesibnayene û çarçeweya sucê ‘awankerdiş û rayraberdişê rêxistine’ de dewa ci rê ameybî akerdene. 10. Roniştişê dewaye 5. Mehkemaya Cezaya Girane ya Amedî de ame vînayene.

Şahîn û avukatê xo Resul Tamurî tewrê roniştişî bîyî. Raporo ke ame hadrekerdene de goşdarîkerdişê vengê Şahînî ke hetê Dezgeyê Tibê Edlî (ATK) ra ameybî hadrekerdene roniştişê dewaye de ame wendene û dosya de ame zêdekerdene. Bado ke dozgerî mutalaaya xo yo ke 24ê kanuna 2020î de wendbî û waştbî ke Şahîn sucê ‘endamîya rêxistina çekdarin’ ra bêro cezakerdene newe kerd. Şahîn û avukatê xo Resul Tamur seba ke raporê ATKyî ser de cigêrayîş bikerî û vera ci de pawitiş bikerî waştişê wextî kerdî.

Serekê mehkema waştişê Şahîn û Tamurî qebul kerd û roniştişê dewaye taloqê 3ê sibata 2022î kerd.  AMED

Dewaya Şahînî taloq bî

Dewaya rojnameger Mehmet Şahînî ke bi ‘rêxistinkerdiş û rayraberdişî’ ra ameyêne muhakemekerdene de qerarê goşdarîkerdişê şahidê nimite ame dayene

Yeno îdiakerdene ke rojnameger Mehmet Şahîn mabenê serranê 2010-2013î de Kongreya Komela Demokratîke (KCD) de xebate kerdo, tewrê eşkerayîyanê çapemenîye bîyo, pêvînayîşê çimeyê xeberan ci rê sey suca me hesibnayene û çarçeweya sucê ‘awankerdiş û rayraberdişê rêxistine’ de dewa ci rê ameybî akerdene. 10. Roniştişê dewaye 5. Mehkemaya Cezaya Girane ya Amedî de ame vînayene.

Şahîn û avukatê xo Resul Tamurî tewrê roniştişî bîyî. Raporo ke ame hadrekerdene de goşdarîkerdişê vengê Şahînî ke hetê Dezgeyê Tibê Edlî (ATK) ra ameybî hadrekerdene roniştişê dewaye de ame wendene û dosya de ame zêdekerdene. Bado ke dozgerî mutalaaya xo yo ke 24ê kanuna 2020î de wendbî û waştbî ke Şahîn sucê ‘endamîya rêxistina çekdarin’ ra bêro cezakerdene newe kerd. Şahîn û avukatê xo Resul Tamur seba ke raporê ATKyî ser de cigêrayîş bikerî û vera ci de pawitiş bikerî waştişê wextî kerdî.

Serekê mehkema waştişê Şahîn û Tamurî qebul kerd û roniştişê dewaye taloqê 3ê sibata 2022î kerd.  AMED