Li Îranê ji ber qutkirina avê 6 roj in gel li kolanan çalakiyan li dar dixin. Ji destpêka xwepêşandanan heta niha 5 xwepêşandêr hatine kuştin. Di 20’ê tîrmehê de li bajarê Êdzic xwepêşandanên girseyî hatin lidarxistin. Girseyê dirûşmeyên “Bimire Xaminî” berz kirin. Gel ji ber qutkirina avê li parêzegaha Xûzistan, El-Ehwaz û deverên din daketin qadan û çalaki li dar xistin. Di dîmenên ku çalakvanan ji taxa Sewra ya El-Ehwazê parve kirine de xuya dibe ku hêzên ewlekariyê guleyan li xwepêşandêran direşînin.