Di êrîş û topbaranên dewleta tirk de ên ku li hemberî başûrê Kurdistanê tên kirin 2 şivan dîsa hatin birîndarkirin. Hêzên Çekdarî yên Tirk li herêma Zaxoyê êrîşên hewayî pêk anîn û di êrîşan de li çoltera devera Derkarê ya girêdayî Zaxoyê 2 sivîl hatin birîndarkirin.
Hesen Muhsîn û Elî Muhsîn ên birayên hev li herêmê şivantî dikirin di encama êrîşan de hatin birîndarkirin. Hat diyarkirin ku her du bira ji Şengalê ne û her du li nexweşxaneya Dihokê tên dermankirin. Rewşa Hesen Muhsîn ê 20 salî giran e.
