Ji ber nexweşiya vîrusa koronayê (Covîd 19) îsal welatiyan Cejna Remezanê li malên xwe man û her wiha bi rêya amûrên ragihandinê cejnên hevdu pîroz kirin. Bi boneya cejnê gelek sazî û rêxistinên kurdan daxuyanî dan û cejna gel pîroz kirin.

Gelê Bakur û Rojhilatê Sûriyeyê, bi boneya Cejna Remezanê, di saetên serê sibê de berê xwe dan goristanan û kesên di têkoşîna azadiyê de jiyan xwe ji dest dan bibîr anîn.

Kongreya Civaka Demokratîk (KCD), bi minasebeta Cejna  Remezanê peyamek weşand û cejna hemû alema îslamê û gelê Kurd pîroz kir. KCD’ê di peyamê de wiha got: “Em cejna Remezanê ya alema Îslamê û hemû gelên xwe pîroz dikin û dixwazin bibe wesîleya aşitî, aramî û demokrasiyê. Kongreya Îslama Demokratîk  (KÎD), bi cejnê peyamek weşand u xwest cejn bibe wesîleya edalet, azadî, vejîn û raperîna mirovahiyê.