Monday, September 20, 2021

Ew bû dengê gel

Rojnameger, siyasetmedar û malbata Denîz li navçeya Serêkaniyê ya Rihayê Rojnameger Huseyîn Denîz ê di 9’ê Tebaxa 1992’yan de li navçeya Serêkaniyê ya Rihayê hat qetilkirin, li ser gora wî ya Serêkaniyê bi bîr anî. Xwişka Denîz Newroz Denîz, kurê wî Şervan, Komeleya Rojnamevanan a Dîcle Firatê, Platforma Rojnamevanên Jin a Mezopotamyayê, Rojnamevan Hakki Boltan, Komeleya Nivîskarên Mezopotamyayê, rêveberên HDP’ê yên Riha û Serêkaniyê û gelek kes di merasima bîranînê de amade bûn. Koma ji Amed, Riha û Serêkaniyê li ser gorê kom bûn ji bo kesên di têkoşîna azadiyê de jiyana xwe ji dest dane rêz girtin. Kesên tevli bîranînê bûn qurnefîl danîn ser gora Huseyîn Denîz.

Bi pênûsa xwe li ber xwe da

Li ser navê Komeleya Rojnamevan a Dîcle Firatê Zeynel Bûlût, bal kişand ser têkoşîna Huseyîn Denîz û wiha got: “Em di rojeke girîng de nivîskarê xwe bibîr tînin. Em bejna xwe li ber têkoşîna wî ditewînin. Li hemberî hemû zor û zehmetiyan bi pênûsa xwe li ber xwe da. Kirin hedef û qetil kirin. Rojnamevan, nivîskar û rojnamevan bû. Şagirt û xwarziyê çinarê çapemeniya azad Mûsa Anter bû. Di salên 1990’î de bû dengê gel. Îro bi hezaran şopdarên wî hene. Ev cihê kêfxweşiyê e. Şopdarên wan tu carî dev ji têkoşîna wan bernedin û mezintir kirin. Heya em hebin, dê têkoşîna wan jî bidome. Dê têkoşîna wan bi azadiyê bilind bibe.”

Hevserokê HDP’a Rihayê Ziya Çalişkan jî anî ziman ku 29 sal berê Huseyîn qetil kirin û wiha got: “Hevalê Huseyîn nehat jibîrkirin, lê yên ew kuştin hatin jibîrkirin. Nazim Babaoglû, Denîz Firat û gelekên din jî bi heman awayî têkoşiyan. Em ê keda wan ji bîr nekin.”

Parlementera HDP’ê ya Rihayê Ayşe Surucu jî diyar kir hêzên tarî nedixwestin rastî aşkere bibe û çapemeniya azad hedef girtin û wiha got: “Yek ji kesên kirin hedef û qetil kirin Huseyîn Denîz bû.  Beriya Denîz û piştî Denîz gelek rojnamevan qetil kirin. Rojnameger Apê Mûsa qetil kirin. Em dizanin kujer kî ne. Ew çi bikin jî dê her tim rastî ronî bibe. DAIŞ’ê li Mexmûrê Rojnamevan Denîz Firat qetil kirin. Ew çi dikin bila bikin nikarin dengê çapemeniya azad qut bikin.”

Xwişka Denîz Newroz Denîz jî  ji bo hevalên Huseyîn Denîz malbat bi tenê nehiştin kêfxweşîya xwe anî ziman.

Huseyîn Denîz Kî ye?

Huseyîn Denîz di sala 1956’an de li gundê Sitîlîlê yê navçeya Nisêbînê ya Mêrdînê ji dayik bû.  Piştî 1975’an li navçeya Siwêreg a Rihayê û li Nisêbînê mamostetî kir. Piştî  12’ê Îlonê hat girtin û 5 sal û nîvan li Girtîgeha Amedê girtî ma. Li girtîgehê dest bi xebatên ziman û folklora kurdî kir. Pirtûka wî ya “Gotinên Pêşiyên Kurdan” di sala 1991’an de derçû. Bavê 4 zarokan bû. Endamê Yekîtiya Nivîskaran a Navnetewî ya PEN’ê bû. Denîz di rojnameyên Yenî Ulke, Cumhuriyet, 2000’e Dogru, Welat û gelek rojnameyan de nivîs nivîsandin. Piştî rojnameya Ozgur Gundemê dest bi weşana xwe kir li navçeya Serêkaniyê dest bi nûçegihaniya rojnameyê kir.

Ew bû dengê gel

Rojnameger, siyasetmedar û malbata Denîz li navçeya Serêkaniyê ya Rihayê Rojnameger Huseyîn Denîz ê di 9’ê Tebaxa 1992’yan de li navçeya Serêkaniyê ya Rihayê hat qetilkirin, li ser gora wî ya Serêkaniyê bi bîr anî. Xwişka Denîz Newroz Denîz, kurê wî Şervan, Komeleya Rojnamevanan a Dîcle Firatê, Platforma Rojnamevanên Jin a Mezopotamyayê, Rojnamevan Hakki Boltan, Komeleya Nivîskarên Mezopotamyayê, rêveberên HDP’ê yên Riha û Serêkaniyê û gelek kes di merasima bîranînê de amade bûn. Koma ji Amed, Riha û Serêkaniyê li ser gorê kom bûn ji bo kesên di têkoşîna azadiyê de jiyana xwe ji dest dane rêz girtin. Kesên tevli bîranînê bûn qurnefîl danîn ser gora Huseyîn Denîz.

Bi pênûsa xwe li ber xwe da

Li ser navê Komeleya Rojnamevan a Dîcle Firatê Zeynel Bûlût, bal kişand ser têkoşîna Huseyîn Denîz û wiha got: “Em di rojeke girîng de nivîskarê xwe bibîr tînin. Em bejna xwe li ber têkoşîna wî ditewînin. Li hemberî hemû zor û zehmetiyan bi pênûsa xwe li ber xwe da. Kirin hedef û qetil kirin. Rojnamevan, nivîskar û rojnamevan bû. Şagirt û xwarziyê çinarê çapemeniya azad Mûsa Anter bû. Di salên 1990’î de bû dengê gel. Îro bi hezaran şopdarên wî hene. Ev cihê kêfxweşiyê e. Şopdarên wan tu carî dev ji têkoşîna wan bernedin û mezintir kirin. Heya em hebin, dê têkoşîna wan jî bidome. Dê têkoşîna wan bi azadiyê bilind bibe.”

Hevserokê HDP’a Rihayê Ziya Çalişkan jî anî ziman ku 29 sal berê Huseyîn qetil kirin û wiha got: “Hevalê Huseyîn nehat jibîrkirin, lê yên ew kuştin hatin jibîrkirin. Nazim Babaoglû, Denîz Firat û gelekên din jî bi heman awayî têkoşiyan. Em ê keda wan ji bîr nekin.”

Parlementera HDP’ê ya Rihayê Ayşe Surucu jî diyar kir hêzên tarî nedixwestin rastî aşkere bibe û çapemeniya azad hedef girtin û wiha got: “Yek ji kesên kirin hedef û qetil kirin Huseyîn Denîz bû.  Beriya Denîz û piştî Denîz gelek rojnamevan qetil kirin. Rojnameger Apê Mûsa qetil kirin. Em dizanin kujer kî ne. Ew çi bikin jî dê her tim rastî ronî bibe. DAIŞ’ê li Mexmûrê Rojnamevan Denîz Firat qetil kirin. Ew çi dikin bila bikin nikarin dengê çapemeniya azad qut bikin.”

Xwişka Denîz Newroz Denîz jî  ji bo hevalên Huseyîn Denîz malbat bi tenê nehiştin kêfxweşîya xwe anî ziman.

Huseyîn Denîz Kî ye?

Huseyîn Denîz di sala 1956’an de li gundê Sitîlîlê yê navçeya Nisêbînê ya Mêrdînê ji dayik bû.  Piştî 1975’an li navçeya Siwêreg a Rihayê û li Nisêbînê mamostetî kir. Piştî  12’ê Îlonê hat girtin û 5 sal û nîvan li Girtîgeha Amedê girtî ma. Li girtîgehê dest bi xebatên ziman û folklora kurdî kir. Pirtûka wî ya “Gotinên Pêşiyên Kurdan” di sala 1991’an de derçû. Bavê 4 zarokan bû. Endamê Yekîtiya Nivîskaran a Navnetewî ya PEN’ê bû. Denîz di rojnameyên Yenî Ulke, Cumhuriyet, 2000’e Dogru, Welat û gelek rojnameyan de nivîs nivîsandin. Piştî rojnameya Ozgur Gundemê dest bi weşana xwe kir li navçeya Serêkaniyê dest bi nûçegihaniya rojnameyê kir.