Duşem, Mijdar 29, 2021

Em te bi rêzdarî bibîr tînin

Di 37’emîn salvegera koçkirina helbestvanê mezin Cegerxwîn de, em wî bi rêzdarî bibîr tînin û vê helbesta wî diyarî hemû gelê kurd dikin.

Bûka Cîhanê

Welatê min tiwî bûka cihanî

Hemî bax û bihişt û mêrg û kanî

Şepal û şeng û şox û naz û gewrî

Gelek şêrîn û rind û pir ciwanî

Serî taca Silaheddînê kurdî

Enî roje, di birca asimanî

Du birhên te kevanên Rustemê Zal

Du zilfên te ji tîrên qehremanî

Riwê te agirê Zerdeşt û Mezdik

Ji te hêstir şeraba Kamîranî

Du lêvên te kitêba Hacî Qadir

Zimanê te ji benda şêxê Xanî

Çena te guhê Cûd û Şax û Hebler

Qirik eywan û taqa kesrewanî

Di sînga te kitêba Zendevista

Memik ferfûre têde neqşê manî

 

Du destên te tixûbên Tirk û Îran

Hero cenge bi tîrên zerveşanî

Ji sînga te bi jêr de geliyê Laleş

Ziyaretgehe bo me her zemanî

Bi nîşan û bi nan û xwîn rija

Me dest girt û qelen da û tu anî

Ser û pa zend û baz in tev bi hinne

Hemî sor in ji rengê erxewanî

Bi te em şa ne bûn ev bû du sed sal

Ji me dengê tivinga çûye banî

Bira û law û bav û ap û pismam

Li ser te hev di kuştin pehlewanî

Ji Loran ta bi Zazan tev bi xencer

Dihatin hev li meydanê beranî

Bi talan û bi kuştin, hem bi sotin

Me konê şer li ser sînga te danî

 

Emîr û begler û paşa û axa

Kirin wêran sera û birc û xanî

 

Li alîkî te deng û ceng û halan

Li alîkî sedayê xweşê sanî

Hemî bûne mirîd û şêx û sofî

Bihiştî ne çikin nav û nişanî

Li axur radizin lê şêx diçî jor

Berî nîvro ji banî tê giranî

Ser û pa tev dikî gulav û ember

Dibê nûre kero ma tu çi zanî? !

Bi van xapan dixwarin xiwarinên xweş

Wekî şêx û melayên vî zemanî

Du derdên me hebûn dijwar û xeddar

Xizanî yek, ewê di her nezanî

Weke şêr û pilingan em diçûn hev

Penîr rovî ji meydanê hilanî

Me ew rojên ciwanî tev bi derdan

Bi zîvarî, belengazî, şivanî

Herê bûkê pepûkê jar û mestê

Li ser sînga te zava man biyanî

Te reş daye serê xwe ber li ser me

Li te rokê dibî pîroz kitanî

Cegerxwîn e kurê te her dinal

Ji ber jana nezanî û xizanî…

Cigerxwîn

 

Naveroka berêSedem û encama otoasîmîlasyonê
Naveroka ya piştî vêÎstatîstîk

Em te bi rêzdarî bibîr tînin

Di 37’emîn salvegera koçkirina helbestvanê mezin Cegerxwîn de, em wî bi rêzdarî bibîr tînin û vê helbesta wî diyarî hemû gelê kurd dikin.

Bûka Cîhanê

Welatê min tiwî bûka cihanî

Hemî bax û bihişt û mêrg û kanî

Şepal û şeng û şox û naz û gewrî

Gelek şêrîn û rind û pir ciwanî

Serî taca Silaheddînê kurdî

Enî roje, di birca asimanî

Du birhên te kevanên Rustemê Zal

Du zilfên te ji tîrên qehremanî

Riwê te agirê Zerdeşt û Mezdik

Ji te hêstir şeraba Kamîranî

Du lêvên te kitêba Hacî Qadir

Zimanê te ji benda şêxê Xanî

Çena te guhê Cûd û Şax û Hebler

Qirik eywan û taqa kesrewanî

Di sînga te kitêba Zendevista

Memik ferfûre têde neqşê manî

 

Du destên te tixûbên Tirk û Îran

Hero cenge bi tîrên zerveşanî

Ji sînga te bi jêr de geliyê Laleş

Ziyaretgehe bo me her zemanî

Bi nîşan û bi nan û xwîn rija

Me dest girt û qelen da û tu anî

Ser û pa zend û baz in tev bi hinne

Hemî sor in ji rengê erxewanî

Bi te em şa ne bûn ev bû du sed sal

Ji me dengê tivinga çûye banî

Bira û law û bav û ap û pismam

Li ser te hev di kuştin pehlewanî

Ji Loran ta bi Zazan tev bi xencer

Dihatin hev li meydanê beranî

Bi talan û bi kuştin, hem bi sotin

Me konê şer li ser sînga te danî

 

Emîr û begler û paşa û axa

Kirin wêran sera û birc û xanî

 

Li alîkî te deng û ceng û halan

Li alîkî sedayê xweşê sanî

Hemî bûne mirîd û şêx û sofî

Bihiştî ne çikin nav û nişanî

Li axur radizin lê şêx diçî jor

Berî nîvro ji banî tê giranî

Ser û pa tev dikî gulav û ember

Dibê nûre kero ma tu çi zanî? !

Bi van xapan dixwarin xiwarinên xweş

Wekî şêx û melayên vî zemanî

Du derdên me hebûn dijwar û xeddar

Xizanî yek, ewê di her nezanî

Weke şêr û pilingan em diçûn hev

Penîr rovî ji meydanê hilanî

Me ew rojên ciwanî tev bi derdan

Bi zîvarî, belengazî, şivanî

Herê bûkê pepûkê jar û mestê

Li ser sînga te zava man biyanî

Te reş daye serê xwe ber li ser me

Li te rokê dibî pîroz kitanî

Cegerxwîn e kurê te her dinal

Ji ber jana nezanî û xizanî…

Cigerxwîn