Sêşem, Nîsan 20, 2021

Esnafê Dêrsimî: Îqtîdaro dizd halê ma ra fam nêkeno

Dêrsim de esnafî mîyanê krîzê ekonomîkî de yê. Esnafan vat: ”Dizdê ke tûnikê xo kerdî pirr raşta zî zanenê ke ekonomî çi hal de ya?”

Dêrsim de prosesê pandemî de xeylêk dikanî qefilîyayî, bi hezaran kesî bêkar mendî. Esnafê ke nêeşkê dewlere ra ardim bigêrê pê deynan kenê ke payan ser o vinderê. Esnafanê Dêrsimî Ajansê Mezopotamya rê qisey kerd û  vera biranê îqtîdarî nêrazîbîyayîşê xo mojna.

Haskar Demîro ke wayîrê kafe yo kîraya kafeya ci 2 hezar û 750 TL ya û faturayanê awe, ceyran û gazî zî pê kredî dano. Demîrî vat: ”Esnafî hetê ekonomîkî ra qedîyayî. Ma kîraya xo pê kredî danê. Dizdê ke tûnikê xo kerdî pirr raşta zî zanenê ke ekonomî çi hal de ya? Ma kredî zî pê faîz apey danê. Esnafê qijî xora qedîyayî. Çunke ê seba nê qedîyayîşî destê înan ra çita yeno kenê.”

Hasan Erko ke wayîrê dikana tuhafîye yo da zanayene ke krîzî ra semed her menge heqê berheman beno vayêr. Erkî vat: ”Merdimî pê vayan qayîl nîyê. Layî hewteyêk 7 lîra yê hewteyê bînî benê 10 lîra. Menga Ramazanî de dikanî newe ra do biqefilîyê. Zerarê ma hende pîl o ke ma nêeşkenê bêrê xo ser. Hele menda ke ez dikana xo biqefilna.”

Îmam Mîrogluyo ke pê arêdarîyê gûlikan debarê xo keno vat: ”Ez pîyasaya serbeste de xebitîyena, meaş û sîgortaya mi çin ê. Ez şina koyan ra gûlikan arê dana. Ez mengêke de 500 TL qezenç kena la pê nê pereyî kam eşkeno debarê xo bikero? Ma nêeşkenê nan berê keyeyê xo. Dewlete rayêke qasê hezarêk TL ardim da la dewamê ci nêame. Ma pêro mîyanê rewşêka zore de yê. Ma dewlete ra çîyêk nêpawenê hînî. Ma têna wazenê ke proseso normal wa hînî dest pêbikero.”

Alî Soylu zî wayîrê kafe yo. Soyluyî ard ziwan ke dewlete wayîra esnafan nêvejîyena û wina dewam kerd: ”Înan kafe û restaurantî sey muşqetîye mojnayî. Seke vîrus nê cayan ra vila beno. Ma kafeyê xo akerdî muşterîyî çin ê. La nêweşîye reyna zêdîyaye. Deynê esnafan hê zêdîyenê. Dewlete qetî ma rê ardim nêkerd. Bedelê xeletîyanê îqtîdarî esnafî danê. Ma zerar vînenê la merdimê înan zerar nêvînenê. Ê bi nê hawayî hêdî hêdî esnafan kişenê. Kongreyê înan pirr ê. La înan rê nê esnafan rê her roje ceza dîyena. Pê mexdûrkerdişê esnafan no krîz nêqedîyeno.” DÊRSIM 

Esnafê Dêrsimî: Îqtîdaro dizd halê ma ra fam nêkeno

Dêrsim de esnafî mîyanê krîzê ekonomîkî de yê. Esnafan vat: ”Dizdê ke tûnikê xo kerdî pirr raşta zî zanenê ke ekonomî çi hal de ya?”

Dêrsim de prosesê pandemî de xeylêk dikanî qefilîyayî, bi hezaran kesî bêkar mendî. Esnafê ke nêeşkê dewlere ra ardim bigêrê pê deynan kenê ke payan ser o vinderê. Esnafanê Dêrsimî Ajansê Mezopotamya rê qisey kerd û  vera biranê îqtîdarî nêrazîbîyayîşê xo mojna.

Haskar Demîro ke wayîrê kafe yo kîraya kafeya ci 2 hezar û 750 TL ya û faturayanê awe, ceyran û gazî zî pê kredî dano. Demîrî vat: ”Esnafî hetê ekonomîkî ra qedîyayî. Ma kîraya xo pê kredî danê. Dizdê ke tûnikê xo kerdî pirr raşta zî zanenê ke ekonomî çi hal de ya? Ma kredî zî pê faîz apey danê. Esnafê qijî xora qedîyayî. Çunke ê seba nê qedîyayîşî destê înan ra çita yeno kenê.”

Hasan Erko ke wayîrê dikana tuhafîye yo da zanayene ke krîzî ra semed her menge heqê berheman beno vayêr. Erkî vat: ”Merdimî pê vayan qayîl nîyê. Layî hewteyêk 7 lîra yê hewteyê bînî benê 10 lîra. Menga Ramazanî de dikanî newe ra do biqefilîyê. Zerarê ma hende pîl o ke ma nêeşkenê bêrê xo ser. Hele menda ke ez dikana xo biqefilna.”

Îmam Mîrogluyo ke pê arêdarîyê gûlikan debarê xo keno vat: ”Ez pîyasaya serbeste de xebitîyena, meaş û sîgortaya mi çin ê. Ez şina koyan ra gûlikan arê dana. Ez mengêke de 500 TL qezenç kena la pê nê pereyî kam eşkeno debarê xo bikero? Ma nêeşkenê nan berê keyeyê xo. Dewlete rayêke qasê hezarêk TL ardim da la dewamê ci nêame. Ma pêro mîyanê rewşêka zore de yê. Ma dewlete ra çîyêk nêpawenê hînî. Ma têna wazenê ke proseso normal wa hînî dest pêbikero.”

Alî Soylu zî wayîrê kafe yo. Soyluyî ard ziwan ke dewlete wayîra esnafan nêvejîyena û wina dewam kerd: ”Înan kafe û restaurantî sey muşqetîye mojnayî. Seke vîrus nê cayan ra vila beno. Ma kafeyê xo akerdî muşterîyî çin ê. La nêweşîye reyna zêdîyaye. Deynê esnafan hê zêdîyenê. Dewlete qetî ma rê ardim nêkerd. Bedelê xeletîyanê îqtîdarî esnafî danê. Ma zerar vînenê la merdimê înan zerar nêvînenê. Ê bi nê hawayî hêdî hêdî esnafan kişenê. Kongreyê înan pirr ê. La înan rê nê esnafan rê her roje ceza dîyena. Pê mexdûrkerdişê esnafan no krîz nêqedîyeno.” DÊRSIM