spot_imgspot_imgspot_img
28 Mart, Perşembe - 2024

Gösterilecek bir içerik yok

Ganî meseleya tepişteyan ê nêweşan bêra çareserkerdene

Zîndanan de vera tepişteyanê sîyasîyan de teda, binpaykerdişê heqan û astengî dewam kenî. Derheqê babete de hemserekê MED TUHAD-FEDî Ahmet Doganî qisey kerd û pare kerd ke meseleya tepişteyan ê nêweşan ganî cade bêra çareserkerdene.

Rewşa tepişteyan ê nêweşan bena giranêr. Hemserekê Federasyonê Komeleyanê Huqûq û Paştdayîşê bi Keyeyanê Tepişte û Hukmwerdeyan (MED TUHAD-FED) Ahmet Doganî derheqê mesele de ANFyî rê qisey kerd.

Doganî pare kerd ke tepişteyê nêweşî tim maruzê kerdişan ê xiraban manenê û vat: ”Welat ver bi xirabîye şino. Coka ganî Abdullah Ocalanî reyde têkilîye bêra kerdene û semedê aramîya welatî ganî gamî bêrê eştene. Ganî semedê tepişteyanê nêweşan zî game bêra eştene çunke nê tepişteyî hînî nêeşkenê zîndanan de bimanê. Dezgehê Tipê Edlîyî raporê ‘nêeşkeno/a zîndan de bimano/a’ bido zî tepişteyî vera nêdîyenê. Îqtîdar bi hawayêkê polîtîkî nêzdîyê mesele beno û goreyê menfaatanê xo têgêreno.”

Doganî da zanayene ke xeylêk tepişteyê kokimî nêeşkenê zîndan de hewcedarîyanê xo peyda bikerê û vat: ”Ganî muxalefet zî venga îqtîdarî bido ke na mesele çareser bikero. Senî ke tepişteyê nêweşî maruzê texrîbatî manenê keyeyê înan zî wina benê. Vera keyeyanê tepişteyan bêhuqûqîye yena kerdene. Tepişteyêko ke keyeyê ci Amed de yo surgunê Edîrne yeno kerdene. Key keyeyî şinê uca meseleyî vejîyenê verê înan. Coka tay keyeyî di serran de rayêke şinê pêvînayîşî.” AMED 

Ganî meseleya tepişteyan ê nêweşan bêra çareserkerdene

Zîndanan de vera tepişteyanê sîyasîyan de teda, binpaykerdişê heqan û astengî dewam kenî. Derheqê babete de hemserekê MED TUHAD-FEDî Ahmet Doganî qisey kerd û pare kerd ke meseleya tepişteyan ê nêweşan ganî cade bêra çareserkerdene.

Rewşa tepişteyan ê nêweşan bena giranêr. Hemserekê Federasyonê Komeleyanê Huqûq û Paştdayîşê bi Keyeyanê Tepişte û Hukmwerdeyan (MED TUHAD-FED) Ahmet Doganî derheqê mesele de ANFyî rê qisey kerd.

Doganî pare kerd ke tepişteyê nêweşî tim maruzê kerdişan ê xiraban manenê û vat: ”Welat ver bi xirabîye şino. Coka ganî Abdullah Ocalanî reyde têkilîye bêra kerdene û semedê aramîya welatî ganî gamî bêrê eştene. Ganî semedê tepişteyanê nêweşan zî game bêra eştene çunke nê tepişteyî hînî nêeşkenê zîndanan de bimanê. Dezgehê Tipê Edlîyî raporê ‘nêeşkeno/a zîndan de bimano/a’ bido zî tepişteyî vera nêdîyenê. Îqtîdar bi hawayêkê polîtîkî nêzdîyê mesele beno û goreyê menfaatanê xo têgêreno.”

Doganî da zanayene ke xeylêk tepişteyê kokimî nêeşkenê zîndan de hewcedarîyanê xo peyda bikerê û vat: ”Ganî muxalefet zî venga îqtîdarî bido ke na mesele çareser bikero. Senî ke tepişteyê nêweşî maruzê texrîbatî manenê keyeyê înan zî wina benê. Vera keyeyanê tepişteyan bêhuqûqîye yena kerdene. Tepişteyêko ke keyeyê ci Amed de yo surgunê Edîrne yeno kerdene. Key keyeyî şinê uca meseleyî vejîyenê verê înan. Coka tay keyeyî di serran de rayêke şinê pêvînayîşî.” AMED