Wednesday, Çile 26, 2022

HDP netîcenameyê konferansê xo yê 25ê êlule eşkera kerd

Heyetê Cinîyan ê Îdareyanê Herêmanîyan ê Demokratîkan ê HDPyî pare kerd ke rejîmê qeyûmî rejîmê înkarkerdişê kurdan û cinîyan o û vat: ”Ma do awanbîyayîşî rayberîya cinîyan de bikerê.”

Heyetê Cinîyan ê Îdareyanê Herêmanîyan ê Demokratîkan ê Partîya Demokratîke ya Şaran (HDP) netîcenameyê konferansê xo yê 25ê êlule eşkera kerd. Konferans bi şîarê ‘Pawitişê Îdareyan ê Herêmîyan ê Azadîwaştoxê Cinîyan, Wextê Rijnayîşê Rejîmê Qeyûmî ame kerdene û dîyarîya Denîz Poyraze ame kerdene.

Netîcename wina yo:

”-Sîstemê îdareyê herêmî eke temsilîya cinîyan çin bikero averşîyayîşo demokratîk mumkîn nîyo. Rayîro tewr girîng ê veera hêrişanê serê şarê ma û destkewteyanê cinîyan pîlkerdişê têkoşînê azadîya cinîyan o. Ma do vera sîstemê serdestîta camêrdan, mîlîtarîs, dişmenê kurdan û cinîyan sîstemê xo yê azadîwaştoxîya cinîyan bi rêxistin bikerê.

-Ma çarçewa kampanyaya ‘Ma her ca de yê’ vera hêrişanê serê Peymana Stenbolî vejîyayî waran, sîstemê hemserekîye û temsîlkarîya têdûşte vist dewre, ma merkezê cinîyan, stargehê cinîyan akerdî, vera şîdetî pîya têkoşîn kerd, ma koperatîfî û warê îstîhdamî cinîyan rê akerdî.

-Ma vera sîyasetê camêrdî vateyê ‘Hemserekîye xeta ma ya mor a’ war nêverda. Sîstemê ma yê hemserekîye pêro dinya rê bi model. Tewr peyên Hemşaredara Reqqa Leyla Mustafa pê xelata xo sîstemê ma îsbat kerd. Ma bi na wesîle cinîyanê Rojawanî û cinîyanê afgananê ke vera Talîbanî xo ver danê selam kenê. Ma pê pêro hêzê xo hetê înan de yê.

-Ma reyna vanê ke têkoşînê edaletî yê Emîne Şenyaşar têkoşînê ma yo!

-Ma tewr peyên selamanê xo şawenê hemşaredaran ê cinîyan ê tepişteyan û ma soz danê ke têkoşînê înan heta azadîye bîyarê ca.

-Ma vera qeyûmanê ke destkewte û têkoşînê cinîyan kerd hede sîstemê xo yê îdareyê herêmî rê dewam kerd û vist dewre. Ma vera qeyûman têkoşînê xo kerd pîl. Ma vera polîtîkayanê talanê xoza warê cuye pawitî û awankerdişê cuya ekolojîke sey parçeyê îdareyê xo dî. Ma soz danê ke rêxistinîya xo pîlêr bikerê, vera qeyûman ser bikewê. Ma do rejîmê cînsî yê qeyûman birijnê û cuya newîye pîya awan bikerê. Rejîmê qeyûmî rejîmê înkarkerdişê kurdan û cinîyan o. Ma do awanbîyayîşî rayberîya cinîyan de bikerê.

-Qeyûmî dişmenîya cinîyan û kurdan kenê, destkewteyanê cinîyan û kurdan çin kenê, şaristanan de pirziwanîye tabelayan ra wedarnenê, parkanê cinîyan qefilnenê, waranê komelkîyan qefilnenê û bi nê hawayî wazenê komel bêvîr bikerê. Nê polîtîkayê qeyûmî pabesteyê polîtîkayanê tecrîdî yê. Ganî ma vera polîtîkayanê şerê taybetî zêdêr têkoşîn bikerê. Ewro zîndanan de bi seyan embazê ma maruzê îşkenceyan, tecrîd û binpaykerdişanê heqan manenê. Ma ancî pare kenê ke do rayîr û metodanê şiknayîşê tecrîdî aver berê. Ma do vera polîtîkayanê şerî û şîdetî tim haştîye bipawê.

-Milê ma de wezîfeyêk o ke ma sîyasetê xeta hîrêyîne yê vera rejîmê tekperestî sey bingeyê komelê demokratîkî vînenê û pênase kenê. Ma hol zanenê ke xet û rayîrê awankerdişê sîyasetê neweyî sîyasetê xeta hîreyêne ra derbaz benê. Sîyasetê xeta hîreyêne zî awankerdişê îtîfaqê hemparî yê cinîyan û pîlkerdişê têkoşînê vera rejîmê qeyûm, polîtîkayanê tecrîdî û sîstemê camêrdan ra derbaz benê. Wextê ci ameyo ke ma destkewteyanê cinîyan war nêverdê, rejîmanê ke xîret kenê ma esîr bikerê xera bikerê. Ma hol zanenê ke averberdişê demokrasî û pawitişê têdûştîya cînsîye têkoşînê cinîyan ra derbaz benê. Têkoşînê ma do aver bero.

-Ma venga pêro cinîyan danê ke vera cîyakerîya cînsî ya komelkî têkoşîn bikerê, vera hişmendîya cînsîye cuya azade, demokratîke, ekolojîke awan bikerê.

Ma kongreya xo şexsê Denîz Poyraze de dîyarîya pêro cinîyan kenê ke semedê azadîya cinîyan têkoşîn kenê. Ma embazanê xo yê cinîyanê ke nê têkoşînî de dinyaya xo bedilnaye yad kenê. Ma soz danê înan ke xeyalanê ci do bîyarê ca.” ANQARA 

HDP netîcenameyê konferansê xo yê 25ê êlule eşkera kerd

Heyetê Cinîyan ê Îdareyanê Herêmanîyan ê Demokratîkan ê HDPyî pare kerd ke rejîmê qeyûmî rejîmê înkarkerdişê kurdan û cinîyan o û vat: ”Ma do awanbîyayîşî rayberîya cinîyan de bikerê.”

Heyetê Cinîyan ê Îdareyanê Herêmanîyan ê Demokratîkan ê Partîya Demokratîke ya Şaran (HDP) netîcenameyê konferansê xo yê 25ê êlule eşkera kerd. Konferans bi şîarê ‘Pawitişê Îdareyan ê Herêmîyan ê Azadîwaştoxê Cinîyan, Wextê Rijnayîşê Rejîmê Qeyûmî ame kerdene û dîyarîya Denîz Poyraze ame kerdene.

Netîcename wina yo:

”-Sîstemê îdareyê herêmî eke temsilîya cinîyan çin bikero averşîyayîşo demokratîk mumkîn nîyo. Rayîro tewr girîng ê veera hêrişanê serê şarê ma û destkewteyanê cinîyan pîlkerdişê têkoşînê azadîya cinîyan o. Ma do vera sîstemê serdestîta camêrdan, mîlîtarîs, dişmenê kurdan û cinîyan sîstemê xo yê azadîwaştoxîya cinîyan bi rêxistin bikerê.

-Ma çarçewa kampanyaya ‘Ma her ca de yê’ vera hêrişanê serê Peymana Stenbolî vejîyayî waran, sîstemê hemserekîye û temsîlkarîya têdûşte vist dewre, ma merkezê cinîyan, stargehê cinîyan akerdî, vera şîdetî pîya têkoşîn kerd, ma koperatîfî û warê îstîhdamî cinîyan rê akerdî.

-Ma vera sîyasetê camêrdî vateyê ‘Hemserekîye xeta ma ya mor a’ war nêverda. Sîstemê ma yê hemserekîye pêro dinya rê bi model. Tewr peyên Hemşaredara Reqqa Leyla Mustafa pê xelata xo sîstemê ma îsbat kerd. Ma bi na wesîle cinîyanê Rojawanî û cinîyanê afgananê ke vera Talîbanî xo ver danê selam kenê. Ma pê pêro hêzê xo hetê înan de yê.

-Ma reyna vanê ke têkoşînê edaletî yê Emîne Şenyaşar têkoşînê ma yo!

-Ma tewr peyên selamanê xo şawenê hemşaredaran ê cinîyan ê tepişteyan û ma soz danê ke têkoşînê înan heta azadîye bîyarê ca.

-Ma vera qeyûmanê ke destkewte û têkoşînê cinîyan kerd hede sîstemê xo yê îdareyê herêmî rê dewam kerd û vist dewre. Ma vera qeyûman têkoşînê xo kerd pîl. Ma vera polîtîkayanê talanê xoza warê cuye pawitî û awankerdişê cuya ekolojîke sey parçeyê îdareyê xo dî. Ma soz danê ke rêxistinîya xo pîlêr bikerê, vera qeyûman ser bikewê. Ma do rejîmê cînsî yê qeyûman birijnê û cuya newîye pîya awan bikerê. Rejîmê qeyûmî rejîmê înkarkerdişê kurdan û cinîyan o. Ma do awanbîyayîşî rayberîya cinîyan de bikerê.

-Qeyûmî dişmenîya cinîyan û kurdan kenê, destkewteyanê cinîyan û kurdan çin kenê, şaristanan de pirziwanîye tabelayan ra wedarnenê, parkanê cinîyan qefilnenê, waranê komelkîyan qefilnenê û bi nê hawayî wazenê komel bêvîr bikerê. Nê polîtîkayê qeyûmî pabesteyê polîtîkayanê tecrîdî yê. Ganî ma vera polîtîkayanê şerê taybetî zêdêr têkoşîn bikerê. Ewro zîndanan de bi seyan embazê ma maruzê îşkenceyan, tecrîd û binpaykerdişanê heqan manenê. Ma ancî pare kenê ke do rayîr û metodanê şiknayîşê tecrîdî aver berê. Ma do vera polîtîkayanê şerî û şîdetî tim haştîye bipawê.

-Milê ma de wezîfeyêk o ke ma sîyasetê xeta hîrêyîne yê vera rejîmê tekperestî sey bingeyê komelê demokratîkî vînenê û pênase kenê. Ma hol zanenê ke xet û rayîrê awankerdişê sîyasetê neweyî sîyasetê xeta hîreyêne ra derbaz benê. Sîyasetê xeta hîreyêne zî awankerdişê îtîfaqê hemparî yê cinîyan û pîlkerdişê têkoşînê vera rejîmê qeyûm, polîtîkayanê tecrîdî û sîstemê camêrdan ra derbaz benê. Wextê ci ameyo ke ma destkewteyanê cinîyan war nêverdê, rejîmanê ke xîret kenê ma esîr bikerê xera bikerê. Ma hol zanenê ke averberdişê demokrasî û pawitişê têdûştîya cînsîye têkoşînê cinîyan ra derbaz benê. Têkoşînê ma do aver bero.

-Ma venga pêro cinîyan danê ke vera cîyakerîya cînsî ya komelkî têkoşîn bikerê, vera hişmendîya cînsîye cuya azade, demokratîke, ekolojîke awan bikerê.

Ma kongreya xo şexsê Denîz Poyraze de dîyarîya pêro cinîyan kenê ke semedê azadîya cinîyan têkoşîn kenê. Ma embazanê xo yê cinîyanê ke nê têkoşînî de dinyaya xo bedilnaye yad kenê. Ma soz danê înan ke xeyalanê ci do bîyarê ca.” ANQARA