Rêxistinên HDP’ê yên navçeyên Bahçelîevler û Maltepeyê yên Stenbolê Mehmet Hayrî Dûrmûş, Kemal Pîr, Akîf Yilmaz û Alî Çîçek ên di 14’ê Tîrmeha 1982’yan de li dijî hovîtiya Zindana Amedê dest bi rojiya mirinê kirin û jiyana xwe ji dest dan bi bîr anîn.
Rêxistina HDP’a Bahçelîevlerê li avahiya xwe çalakgerên 14’e Tîrmehê bi bîr anîn. Rêveberên partiyê û nûnerên rêxistinên civakî yên sivîl beşdar bûn. Komê li salonê pankarta “Em bi ruhê 14’ê Tîrmehê têcrîdê bişkînin û azadiya xwe pêk bînin” daliqandin. Komê rêz girt û pişt re sînevziyona rastiya Zindana Amedê vedigot dan temaşekirin.
Rêxistina HDP’ê ya Maltepe jî çalakgerên 14’ê Tîrmehê bi bîr anî û bernameya wan bi rêzgirtinê dest pê kir.
