Tuesday, October 26, 2021

HDPyî vera Şaredarîya Çewlîgî tewirê xo mojna

Endamanê Meclîsê Şaredarîye yê HDPyî semedo ke Şaredarîya Çewlîgî viraştişê xetanê awa varanî û pirdî bi rayîrê bazarîye dayo nêrazîbîyayîşê xo mojna.

Hemvervatoxanê Grûba Meclîsê Şaredarîya Çewlîgî ya Partîya Demokratîke ya Şaran (HDP) Hatîce Kitay û Ferhat Yildirimî eşkerayîyêka nuştekîye daye û semedo ke Şaredarîya Çewlîgî viraştişê xetanê awa varanî û pirdî bi rayîrê bazarîye dayo nêrazîbîyayîşê xo mojna.

Eşkerayîye de ame vatene ke ê paştî danê xebatanê holan ê Şaredarîya Çewlîgî la şaredarîye tay îhaleyan de bêusûlîye kena û goreyê krîterê zelalbîyayîşî tênêgêrena. Kitaye û Yildirim da zanayene ke rixmê rexneyanê dezgehanê kontrolî zî şaredarîye pê fînansmanê Mudirîya Karanê Fenî îhaleya peyêne de zî krîterê zelalbîyayîşî nêardo ca.

Hemvervatoxan vat: ”Na îhale de karê bi malîyetê 1 mîlyon û 180 hezar TL dîya fîrmayêke. Ma wina ercnenê ke şaredarîye semedo ke rantî bida terefgîranê xo na mesele de hende israr kena. Ma semedo ke şarê ma mexdûr beno nê têgêrayîşê şaredarîye şermezar kenê.” ÇEWLÎG 

HDPyî vera Şaredarîya Çewlîgî tewirê xo mojna

Endamanê Meclîsê Şaredarîye yê HDPyî semedo ke Şaredarîya Çewlîgî viraştişê xetanê awa varanî û pirdî bi rayîrê bazarîye dayo nêrazîbîyayîşê xo mojna.

Hemvervatoxanê Grûba Meclîsê Şaredarîya Çewlîgî ya Partîya Demokratîke ya Şaran (HDP) Hatîce Kitay û Ferhat Yildirimî eşkerayîyêka nuştekîye daye û semedo ke Şaredarîya Çewlîgî viraştişê xetanê awa varanî û pirdî bi rayîrê bazarîye dayo nêrazîbîyayîşê xo mojna.

Eşkerayîye de ame vatene ke ê paştî danê xebatanê holan ê Şaredarîya Çewlîgî la şaredarîye tay îhaleyan de bêusûlîye kena û goreyê krîterê zelalbîyayîşî tênêgêrena. Kitaye û Yildirim da zanayene ke rixmê rexneyanê dezgehanê kontrolî zî şaredarîye pê fînansmanê Mudirîya Karanê Fenî îhaleya peyêne de zî krîterê zelalbîyayîşî nêardo ca.

Hemvervatoxan vat: ”Na îhale de karê bi malîyetê 1 mîlyon û 180 hezar TL dîya fîrmayêke. Ma wina ercnenê ke şaredarîye semedo ke rantî bida terefgîranê xo na mesele de hende israr kena. Ma semedo ke şarê ma mexdûr beno nê têgêrayîşê şaredarîye şermezar kenê.” ÇEWLÎG