Çarşem, Gulan 19, 2021

Îdîanameyê tecawuzê vera 7 domanan ame amadekerdene

Qezaya Pêrtagî ya Dêrsimî de 2020 de vera 7 domananê lajan hêrişo cînsî amebi kerdene. Îdîanameyê hêrişê cînsî ame amadekerdene

Qezaya Pêrtagî ya Dêrsimî de par vera 7 domananê lajan hêrişo cînsî amebi kerdene û 6ê çeleyê 2020î de zî derheqê hêrişî de tehqîqat dîyabi destpêkerdene.

Keso ke nêwaşt nameyê xo eşkera bikero şibi qereqolê cendirmeyan û H.Y. (42) îxbar kerdbi û dîmenê serebûtî pê CD dabi cendirmeyan. Cendirmeyan pê fermanê Serdozgerîya Komare ya Pêrtagî tehqîqat dabi destpêkerdene.

H.Y. 7ê çeleyê 2020î de amebi destbendkerdene û hetê mehkeme ra tepişîyabi erşawîyabi Zîndanê Xarpêtî. Îdîanameyê dosyaya nimite ame amadekerdene. Mehkemeya Cezaya Girane ya Dêrsimî îdîaname qebul kerd.

7 domanê ke maruzê hêrişê cînsî bîyî mabênê serranê 1998-2006î de dadîya xo ra bîyî. Îdîaname de H.Y. hêrişê cînsî, vilakerdişê dîmenanê hêrişî, têkilîya bi domanan ra yeno sûcdarkerdene.

Dîmenê CDyî îdîaname de ca gênê. H.Y. Pêrtag de wayîrê dikana tamîrê komputeran û telefonan bi. H.Y. îfadeyê xo de sûcdarîya hêrişê cînsî qebul nêkerde û îdîa kerd ke ey pê rizaya ci domanêke 15 serre ra qijêrî de têkilîyêke viraşte.

H.Y. menga hezîrane de do vejîyo verê mehkeme. DÊRSIM 

Îdîanameyê tecawuzê vera 7 domanan ame amadekerdene

Qezaya Pêrtagî ya Dêrsimî de 2020 de vera 7 domananê lajan hêrişo cînsî amebi kerdene. Îdîanameyê hêrişê cînsî ame amadekerdene

Qezaya Pêrtagî ya Dêrsimî de par vera 7 domananê lajan hêrişo cînsî amebi kerdene û 6ê çeleyê 2020î de zî derheqê hêrişî de tehqîqat dîyabi destpêkerdene.

Keso ke nêwaşt nameyê xo eşkera bikero şibi qereqolê cendirmeyan û H.Y. (42) îxbar kerdbi û dîmenê serebûtî pê CD dabi cendirmeyan. Cendirmeyan pê fermanê Serdozgerîya Komare ya Pêrtagî tehqîqat dabi destpêkerdene.

H.Y. 7ê çeleyê 2020î de amebi destbendkerdene û hetê mehkeme ra tepişîyabi erşawîyabi Zîndanê Xarpêtî. Îdîanameyê dosyaya nimite ame amadekerdene. Mehkemeya Cezaya Girane ya Dêrsimî îdîaname qebul kerd.

7 domanê ke maruzê hêrişê cînsî bîyî mabênê serranê 1998-2006î de dadîya xo ra bîyî. Îdîaname de H.Y. hêrişê cînsî, vilakerdişê dîmenanê hêrişî, têkilîya bi domanan ra yeno sûcdarkerdene.

Dîmenê CDyî îdîaname de ca gênê. H.Y. Pêrtag de wayîrê dikana tamîrê komputeran û telefonan bi. H.Y. îfadeyê xo de sûcdarîya hêrişê cînsî qebul nêkerde û îdîa kerd ke ey pê rizaya ci domanêke 15 serre ra qijêrî de têkilîyêke viraşte.

H.Y. menga hezîrane de do vejîyo verê mehkeme. DÊRSIM