Berdevkê Hikûmeta Îranê Elî Rebîî di civîna çapemeniyê de bal kişand ser pêşkeftinên di hevdîtinên wan ên bi Erebistana Siûdiyê re.
Berdevkê Hikûmeta Îranê Elî Rebîî diyar kir ku li ser pirsgirêkên di navbera wan û Erebistana Siûdiyê de danûstandinên dostane têne kirin û di danûstandinan de pêşketin hene û wiha axivî: “Danûstanên di navbera me de bi helwestek dostane û niyetên baş berdewam dikin û pêşkeftin çêdibin.”
Berdevkê Hikûmeta Îranê Elî Rebîî, amadebûna welatê xwe ya ji bo berdewamkirina danûstandinan dubare kir û wiha pêde çû: “Hikûmet amadeye ji bo berjewendiyên her du welatan bi awayek cidî danûstandinan berdewam bike. Hîn pirsgirêkên di navbera her du welatan de hîn nehatine çareserkirin. Nakokî li ser hene. Ji bo çaresekirina wan pêwîstî bi demê heye.”
Di meha nîsanê de Rojnameya Fînancîal Tîmesê ragihandibû ku Siûdî û Îran ji bo ku têkiliyên xwe baş bikin, dest bi danûstandinan kirine.
