Kongreya Civaka Demokratîk (KCD), Partiya Herêmên Demokratîk (DBP), Tevgera Jinên Azad (TJA) û Partiya Demokratîk a Gelan (HDP) ji bo komkujiya li Konyayê şermezar bikin, li ber avahiya HDP’ê ya Rezanê xwestin daxuyaniyê bidin çapemeniyê. Lê polîsan beriya daxuyaniyê hemû kolan ji çûn û hatina welatiyan re girt û avahiya HDP’ê wekî bendê dorpêç kir. Beriya ku daxuyanî bê dayîn zêdeyî 250 polîs kom bûn û avahî dorpêç kirin. Heta saetekê avahî dorpêç kirin û ketin û derketina kolanan qedexe kir. Polîsan destûr nedan ku parlementera HDP’ê ya Amedê Remziye Tosûn, rêvebirên navçe û bajêr û gelek aktivîstên TJA’yê têkevin avahiya DBP’ê. Ji ber polîsan nehişt daxuyaniyê bidin, koma ji 20 kesan pêk dihat, li pêş avahiya xwe çalakiya rûniştinê li dar xistin û komkujî şermezar kirin.
