Rêxistinên Jinan, sibê 2’emîn Konferansa Jinên Rojhilata Navîn û Bakurê Afrîkayê bi diruşma ”Bi yekitiya Jinan em ê şoreşa demokrasiyê ava bikin” li dar dixin. Jin dê li paytexta Lubnanê Beyrûtê di 30 û 31’ê tîrmehê, konferansê pêk bînin. Tê payîn ku jin di konferansê de rola jinê ya di şerê li Rojhilata Navîn û Afrîkayê de nîqaş bikin. Dê 100 delegeyên ji dewletên Rojhilata Navîn û Bakurê Afrîkayê; Sûriye, Lubnan, Îran, Iraq, Filistîn, Tunis, Sûdan, Lîbya, Mexrib, Urdin, Misir û gelek dewletên din ên ereb û herêmê beşdar bibin. Diviya bû 300 delege beşdar bibûna. Dê nêzî 200 delegeyên ji tevahî dewletan ku nikarin biçin Beyrûtê û beşdarî kongreyê bibin bi rêya online û zoomê beşdar bibin.
1’emîn Konferansa Jinên Rojhilata Navîn û Bakurê Afrîkayê di 2013’yan de li bajarê Amed a Bakurê Kurdistanê hatibû li darxistin.
