Duşem, Tirmeh 26, 2021

Koçerê Dêrsimî: Mesrafê ma zaf o, ma nêeşkenê debara xo bikerê

Koçerê Şavakî yê Dêrsimî heywankarîye kenê la semedo ke mesrafê înan zaf ê ke nêeşkenê pê debara xo bikerê. Koçeran bale antî ser ke dewlete vaya merayan hîra qatî zêdînaye.

Koçerê Şavakî yê Dêrsimî heywankarîye kenê la semedo ke mesrafê înan zaf ê ke nêeşkenê pê debara xo bikerê. Koçeran bale ante ser ke dewlete vaya merayan hîra qatî zêdînaye. Koçerî pê rotişê şit û pendîrî debara xo kenê.

Koçerê Şavakî wisaran şinê Koyê Pilemurîye û payîzan de agêrenê. Koçeran derheqê meseleyanê xo de PÎRHA rê qisey kerd.

Koçer Azîz Benler (53) pare keno ke emser hem mesrafê înan zaf o hem zî ziwatîye esta. Benkerî vat: ”Mengêk a ma nê wareyî de yê. Pendîr hînî pere nêkeno, ma pendîrê xo danê bazirganan. Çew halê ma nêperseno. Dewlete semedê nê wareyî ma ra qasê 701 hezar lîra kîra gêna. Kîloyê simêrî 3 lîra yo, ziwatîye esta coka vaş zî çin o. Emser awe zî çin a.”

Mahîr Benler (47) hem koçerîye keno hem zî pendîran arê dano erşaweno depoyê serdinî yê Xarpêtî. Mahîr Benlerî ard ziwan ke ziwatîye ra semed awe û vaş çin ê û vat: ”Ma Pêrtagî ra ameyî Koyê Pilemurîye û ma tîya kerd kîra. Dewelte emser vaya merayan zêdînaye. Mesrafê ma zaf o. Şiwanî meaşê zêdeyî wazenê. Wa dewlete bêra halê ma bivîna.”

Koçerê bi nameyê Denîzî zî da zanayene ke zehmetîyê koçerîye zaf ê û vat: ”Ez meşnayan çarnena. Tîya de verg esto, heş esto. Şanan hewa serdin o. Ma kîloyêk pendîr 20 lîra ra roşenê. Ma nêeşkenê heqê keda xo bigêrê. pereyê şîwanî, kîrayê mera. Axir ma rê çîyêk nêmaneno.” DÊRSIM  

Koçerê Dêrsimî: Mesrafê ma zaf o, ma nêeşkenê debara xo bikerê

Koçerê Şavakî yê Dêrsimî heywankarîye kenê la semedo ke mesrafê înan zaf ê ke nêeşkenê pê debara xo bikerê. Koçeran bale antî ser ke dewlete vaya merayan hîra qatî zêdînaye.

Koçerê Şavakî yê Dêrsimî heywankarîye kenê la semedo ke mesrafê înan zaf ê ke nêeşkenê pê debara xo bikerê. Koçeran bale ante ser ke dewlete vaya merayan hîra qatî zêdînaye. Koçerî pê rotişê şit û pendîrî debara xo kenê.

Koçerê Şavakî wisaran şinê Koyê Pilemurîye û payîzan de agêrenê. Koçeran derheqê meseleyanê xo de PÎRHA rê qisey kerd.

Koçer Azîz Benler (53) pare keno ke emser hem mesrafê înan zaf o hem zî ziwatîye esta. Benkerî vat: ”Mengêk a ma nê wareyî de yê. Pendîr hînî pere nêkeno, ma pendîrê xo danê bazirganan. Çew halê ma nêperseno. Dewlete semedê nê wareyî ma ra qasê 701 hezar lîra kîra gêna. Kîloyê simêrî 3 lîra yo, ziwatîye esta coka vaş zî çin o. Emser awe zî çin a.”

Mahîr Benler (47) hem koçerîye keno hem zî pendîran arê dano erşaweno depoyê serdinî yê Xarpêtî. Mahîr Benlerî ard ziwan ke ziwatîye ra semed awe û vaş çin ê û vat: ”Ma Pêrtagî ra ameyî Koyê Pilemurîye û ma tîya kerd kîra. Dewelte emser vaya merayan zêdînaye. Mesrafê ma zaf o. Şiwanî meaşê zêdeyî wazenê. Wa dewlete bêra halê ma bivîna.”

Koçerê bi nameyê Denîzî zî da zanayene ke zehmetîyê koçerîye zaf ê û vat: ”Ez meşnayan çarnena. Tîya de verg esto, heş esto. Şanan hewa serdin o. Ma kîloyêk pendîr 20 lîra ra roşenê. Ma nêeşkenê heqê keda xo bigêrê. pereyê şîwanî, kîrayê mera. Axir ma rê çîyêk nêmaneno.” DÊRSIM