Rojnameya Heftane

Vîrus heman bandorê li hemû kesan nake!

Di nav van rojan de ku cîhan bi Covid-19'ê re ketiye nav xirecirekê, li ser vê rewşê gelek nîqaş û nirxandinên tên kirin. Teoriyên ku dibêjin ev komployoyek e, nîqaşên dibêjin encama polîtîkayên dewletan e, nirxandinên lîberalîzm, komunîzm,…

‘Evîn’ek ku tim evîndar bû!

Gotina dawiyê mirin e, lê mirin jî bi hebûn û jiyanê nikare. Jiyan tenê liv û lebata li ser rûyê erdê nîne, çimkî ew ên ku di dema jiyanê de kêlî bi kêlî xwedî rêbaz û armanc bûn, yê tim…

Lêkolîneke rexneya edebî

Weşanxaneya Sîtavê  pirtûka bi navê “Li Başûrê Kurdistanê Lêkolînek Li Ser Rexneya Edebî” çap kir. Pirtûk lêkolîneke li ser rexneya edebî ye û nivîskarê wê Rêbî Zêbarî yê ji başûrê Kurdistanê ye.

Mijarên pirtûka ku ji 191 rûpelan pêk tê, gotar û lêkolînên rexneyên edebî yên rojname û kovarên ku di navbera salên 1991-2003’yan de li başûrê Kurdistanê hatine çapkirin in. Her wiha kovara Peyvê (2003-2009) jî yek ji mijarên lêkolîna pirtûkê ye. Nivîskar der barê pirtûka xwe de axivî û diyar kir ku rexneya edebî beşek ji edebînasiyê ye û gelek qonax derbas kirine. Rêbî Zêbarî anî ziman ku risteke girîng a rexneya edebî di pêşketina edebiyatê de her hebûye û ev rist hîn jî berdewam e. Zêbarî her wiha got ku heta niha gelek teorî derketine û her teorî ji bo sererastkirina şaşiyên teoriyên berî xwe bûne.

Rêbî Zêbarî da zanîn ku pirtûk behsa dîrok û rewşa rexneya edebî ya kurdî ya li başûrê Kurdistanê dike. Zêbarî destnîşan kir ku armanca nivîsîna pirtûkê danasîna edebiyata başûrê Kurdistanê bi perçeyên din ên Kurdistanê û kurdên deverên din e.

Rebî Zêbarî di sala 1991’î de li navçeya Akrê ya bajarê Duhokê hatiye dinyayê. Di sala 2013’an de beşa Ziman û Edebiyata Kurdî ya Zanîngeha Duhokê û her wiha di sala 2017’an de jî mastera xwe li Beşa Ziman û Çanda Kurdî ya Zanîngeha Yüzüncü yil ya Wanê xelas kiriye. AMED