Thursday, June 24, 2021

Li Amedê banga tevlibûna mîtinga ziman

Ji bo mîtînga ziman ya ku ji aliyê Tora Ziman û Çanda Kurdî ve dê di 7’ê hezîranê de li Amedê bê lidarxistin îro li gelek deverên Amedê belavok hatin belavkirin.

Bi armanca “zimanê kurdî bibe zimanê fermî û zimanê perwerdehiyê” Tora Ziman û Çanda Kurdî li 3 navendan biryara lidarxistina mîtîngan dabû her du mîtîngên xwe yên ewil li Cizîr û Wanê pêk anîbû. Li gorî bernameya torê mîtînga 3’yan jî dê di 7’ê hezîranê roja duşemê de, li Amedê bê lidarxistin. Îro bi armanca beşdarbûnê endam û dildarên torê li Amedê belavokan belav kirin û gel vexwendin mîtînga ziman. Belavok li Yenîşehir, Rezan, Peyas û Sûra Amedê hatin belavkirin.

Li ser belavkariya belavokên mîtîngê gelê Amedê kêfxweşiya xwe anî ziman û diyar kir ku dê beşdarî mîtînga ziman bibin.

Li Yenîşehîra Amedê polîsan nehiştin ku pêkhateyên torê belavokan belav bikin û polîsan belavkirinê asteng kir. Pêkhateyan li ser vê astengkirinê etîketên ku navên kurdî yên fêkî zêrzewatan li ser hatibûn nivîsîn li esnafên bazarê yên semta Ofîsê belav kirin.

Li Amedê banga tevlibûna mîtinga ziman

Ji bo mîtînga ziman ya ku ji aliyê Tora Ziman û Çanda Kurdî ve dê di 7’ê hezîranê de li Amedê bê lidarxistin îro li gelek deverên Amedê belavok hatin belavkirin.

Bi armanca “zimanê kurdî bibe zimanê fermî û zimanê perwerdehiyê” Tora Ziman û Çanda Kurdî li 3 navendan biryara lidarxistina mîtîngan dabû her du mîtîngên xwe yên ewil li Cizîr û Wanê pêk anîbû. Li gorî bernameya torê mîtînga 3’yan jî dê di 7’ê hezîranê roja duşemê de, li Amedê bê lidarxistin. Îro bi armanca beşdarbûnê endam û dildarên torê li Amedê belavokan belav kirin û gel vexwendin mîtînga ziman. Belavok li Yenîşehir, Rezan, Peyas û Sûra Amedê hatin belavkirin.

Li ser belavkariya belavokên mîtîngê gelê Amedê kêfxweşiya xwe anî ziman û diyar kir ku dê beşdarî mîtînga ziman bibin.

Li Yenîşehîra Amedê polîsan nehiştin ku pêkhateyên torê belavokan belav bikin û polîsan belavkirinê asteng kir. Pêkhateyan li ser vê astengkirinê etîketên ku navên kurdî yên fêkî zêrzewatan li ser hatibûn nivîsîn li esnafên bazarê yên semta Ofîsê belav kirin.