Rojnameya Heftane

Li Hambûrgê belgefîlmên kurdî

Ji aliyê Kolektîfa Fîlman a Avakîno û Copenhagen Underground li bajarê Hambûrg ê Almanyayê 4 belgefîlmên kurdî hatin nîşandan. Dahata bilêtên ku hatin firotin gihişt Heyva Sor a Kurd.

Bernameya nîşandana belgefîlman li Amargî Kultur Treffpunkt a Hambûrgê pêk hat. Navê fîlmên ku hatin nîşandan ev in; belgefîlma derhêner Shukri Mahmood a bi navê Qijik, belgefîlma derhêner Zanyar Muhammadineko ya bi navê Konsepta Min a ji Bigêl, belgefîlma derhêner Rafiqfuad Yarahmadi ya bi navê Çîroka yên Mayî, belgefîlma derhêner Veysî Altay ya bi navê Nû Jin.

Di van çar filman de tekoşîna kurdan bi perspektîfên cuda tê nîşandan. Her wiha mijara filman huner, femînîzm û antîfaşîzm e. Hat ragihandin ku dahata bilêtên bên firotin dê bigihêje Heyva Sor a Kurd. Bilêt bi peretî nîn in û çi ji dilê temaşevanan were dê ewqasî bidin bilêtan. HAMBÛRG