Li Eyaleta Ontario ya Kanadayê keseke kanadayî bi erebeyê êrişê malbateke misilman kir. Hat diyarkirin ku ev êrîş biplan hatiye kirin.
Di êrişê de 4 kes ên ji malbatê jiyana xwe ji dest dan û zarokekî 9 salî jî birîndar bû. Hat diyarkirin ku malbata hatiye qetilkirin 14 sal berê ji Pakistanê koçê Londrayê kiriye.
Êrişê keseke 20 salî pêk anî û piştî demeke kurt bersûc ji ber kuştina mirovan hat girtin.
Rayedarekî polîsên Londonê Pûl Waîght got ku:“Hin îspat didin zanîn ku ev êriş bi plan hatiye kirin û sedema êrişê jî misilmanbûna malbatê ye.”
Serokwezîrê Kanadayê Justin Trudeau li ser hesabê xwe yê Twitterê peyameke ji bo qetilkirina malbatê avêt û wiha got: “Di civaka me de cihê Îslamafobiyê tune ye. Êrişa ku hatiye kirin nayê qebûlkirin.”
