Li bajarê Osnabruckê yê Almanyayê, Navenda Civaka Demokratîk a Kurd (NCDK) bi merasîmekê hat vekirin. Merasîma vekirina NCDK’ê 22’ê Tebaxa 2021’ê pêk hat û nûnerên gelek partî û saziyên civakî yên sivîl ên alman jî tevlî bûn.
Piştî deqeyeke rêzgirtinê, peyama Meclîsa Gel a Osnabruckê hate dayin û navenda nû li xelkê herêmê hat pîrozkirin.
Hevseroka Konfederasyona Kurdên li Almanyayê (KON-MED) Zubeyde Zumrut jî navend li gel pîroz kir û bang li kurdistaniyên li herêmê kir ku xwedî li navenda xwe derkevin.
Beşdarên alman jî di merasîmê de axivîn û dilsoziya xwe ya bi têkoşîna azadiyê ya gelê kurd re nîşan dan.
Di dawiyê de jî Hozan Seyîdxan derkete ser dikê û hunera xwe pêşkêş kir.
