Li Peravên Tunisê, keleka penaberan noqî avê bû û 43 penaberan jiyana xwe ji dest da. Penaberan hewl didan ku ji Lîbyayê di riya Deryaya Spî re xwe bigihînin Îtalyayê. Li gorî daxuyaniya Heyva Sor a Tunisê wan dikaribû ji keleka noqbûyî tenê 84 kesan ji noqbûnê rizgar bikin.
Keleka ku ji Lîbyayê derdora 127 penaber hilgirtibû ji Misir, Sûdan, Bangladeş û hin deverên din bûn. Di vê dema dawî de bi hatina havînê re hewldanên derbasbûna penaberan zêde bûye û pê re jî qezayên noqbûna kelek û gemiyên penaberan zêde bûne.
