Çalakiya konvedanê ya li Sêmalkayê di roja 58’an de berdewam kir. Endamên PYD’ê yên ji taxa Xerbî ya Qamişloyê hatine, çalakî dewr girt. Piştî rêveberên PYD’ê yên taxa Xerbî nobeda kon dewir girt, Kamûran Levend axivî û got: “Heta ku em cenazeyên hevrêyên xwe werdigirin, em ê çalakiya xwe berdewam bikin. Heke bi salan jî dewam bike, heta ku em cenazeyên şehîdên wenegirin, em çalakiyê bi dawî nakin.”
Meclisa Malbatên Şehîdan a Herêma Cizîrê, ji bo wergiritna cenazeyên gerîlayên li Xelîfanê di kemîna hêzên PDK’ê de jiyana xwe ji dest dane, di 5’ê cotmehê de dest bi çalakiya konvedanê kiribûn. Çalakiya konvedanê 58 rojin bi serdana hezaran welatî û rêxistinên sivîl didome.
