Wednesday, Çile 26, 2022

Meclîs de vera tecrîdê Îmraliyî eşkerayîye

Keyeyê Rayberê Şarê Kurdî Abdullah Ocalanî û keyeyanê tepişteyan ê bînan ê Îmraliyî Meclîs de bi kombîyayîşê çapemenîye eşkerayîyêke daye.

Parlementerê Partîya Demokratîke ya Şaran (HDP) Omer ocalan, birayê Omer Hayrî Konarî Emîn Konar, waya Veysî aktaşî Sabîha Aktaş û avûkatê Buroyê Huqûqî yê Asrinî Ozgur Faîk Erol û Serbay Koklu tewrê kombîyayîşî bîyî.

Omer Ocalanî da zanayene ke keyeyî dekewtişê Meclîsî de ameyî astengkerdene û vat: “Heta ke ma resayî tîya bi desan astengîyan ra derbaz bîyî. Bi hawayêkê bêusulî verê ma ame girewtene.

25ê adara 2021î ra nata ma qetî nêeşkenê Abdullah Ocalan, Omer Hayrî Konar, Veysî Aktaş û Hamîlî Yildirimî ra xebere nêgirewte. Ma 25ê adare de bi rayîrê telefonî qisey kerdnî. o çax bêsebeb telefonê Ocalanî amebi birnayene, ê Yildirimî zaf kilm tepişîya û tepişteyanê bînan zî seba ke tecrîdî şermezar kerdêne telefon de qisey nêkerd. Birêz Ocalanî nê qiseykerdişê xo yê kilmî de vat ke şert û mercê tecrîdî nênê qebulkerdene, vera na rewşe waşt avûkatanê xo bivîno û qanûnî wa bêrê caardene.

Semedo ke ma nêeşkenê merdimanê xo ra xebere bigêrê pê rewşa înan qerqilîyenê. Keyeyan rî bi rî zî tewr peyên 3ê adara 2020î de sebebê korona ra pêvînayîş kerdbi. La avûkatî 7ê tebaxa 2019î ra nata  nêeşkayî Birêz Ocalanî bivînê. Konar, Aktaş û Yildirim zî adara 2015î sewqê înan ê bi Îmraliyî ra nata pêvînayîşê avûkatan nêkerd. Îmkanê têkilîye yê sey mektube, faks û telefonî tepişteyan rê nêdîyenê. Yew têkilîya merdimanê ma bi teberî nêmenda.

CPTyî raporê xo yê 5ê tebaxa 2020î de bi zelalî îfade kerd ke ganî avûkatî bieşkê tepişteyanê Îmraliyî reyde pêvînayîş bikerê. 10 serran de têna netîceya grevê vêşanîye, şewat û korona de tepişteyê îmraliyî eşkerayî merdiman û avûkatanê xo bivînê. Eşkera yo ke no tecrîdo mutlaq ê vera Birêz Ocalanî vera xîretê çareserîya meseleya kurdan ê Birêz Ocalanî yo.

Birêz Ocalanî key firsend dî seba haştîye û çareserîya demokratîke xîret kerd. Coka tecrîd vera îmkanê haştîye û çareserîya demokratîke yo. Ma vînenê ke bêhuqûqîya vera Îmraliyî welat de vika bena. Nameyê keyeyanê tepişteyanê Îmraliyî ser o ma nêeşkenê înan ra xebere bikerê, qerqilîyenê. Ma wazenê peynîya bêhuqûqîya zîndanê Îmraliyî bêra ardene û heqê huqûqî yê merdiman bêrê dayene.

Ma venga dezgehanê erkdaran danê ke mesuldarîyanê xo bîyarê ca û venga rayaumûmîye danê ke wa bala xo bida na babete ser.” ANQARA 

Meclîs de vera tecrîdê Îmraliyî eşkerayîye

Keyeyê Rayberê Şarê Kurdî Abdullah Ocalanî û keyeyanê tepişteyan ê bînan ê Îmraliyî Meclîs de bi kombîyayîşê çapemenîye eşkerayîyêke daye.

Parlementerê Partîya Demokratîke ya Şaran (HDP) Omer ocalan, birayê Omer Hayrî Konarî Emîn Konar, waya Veysî aktaşî Sabîha Aktaş û avûkatê Buroyê Huqûqî yê Asrinî Ozgur Faîk Erol û Serbay Koklu tewrê kombîyayîşî bîyî.

Omer Ocalanî da zanayene ke keyeyî dekewtişê Meclîsî de ameyî astengkerdene û vat: “Heta ke ma resayî tîya bi desan astengîyan ra derbaz bîyî. Bi hawayêkê bêusulî verê ma ame girewtene.

25ê adara 2021î ra nata ma qetî nêeşkenê Abdullah Ocalan, Omer Hayrî Konar, Veysî Aktaş û Hamîlî Yildirimî ra xebere nêgirewte. Ma 25ê adare de bi rayîrê telefonî qisey kerdnî. o çax bêsebeb telefonê Ocalanî amebi birnayene, ê Yildirimî zaf kilm tepişîya û tepişteyanê bînan zî seba ke tecrîdî şermezar kerdêne telefon de qisey nêkerd. Birêz Ocalanî nê qiseykerdişê xo yê kilmî de vat ke şert û mercê tecrîdî nênê qebulkerdene, vera na rewşe waşt avûkatanê xo bivîno û qanûnî wa bêrê caardene.

Semedo ke ma nêeşkenê merdimanê xo ra xebere bigêrê pê rewşa înan qerqilîyenê. Keyeyan rî bi rî zî tewr peyên 3ê adara 2020î de sebebê korona ra pêvînayîş kerdbi. La avûkatî 7ê tebaxa 2019î ra nata  nêeşkayî Birêz Ocalanî bivînê. Konar, Aktaş û Yildirim zî adara 2015î sewqê înan ê bi Îmraliyî ra nata pêvînayîşê avûkatan nêkerd. Îmkanê têkilîye yê sey mektube, faks û telefonî tepişteyan rê nêdîyenê. Yew têkilîya merdimanê ma bi teberî nêmenda.

CPTyî raporê xo yê 5ê tebaxa 2020î de bi zelalî îfade kerd ke ganî avûkatî bieşkê tepişteyanê Îmraliyî reyde pêvînayîş bikerê. 10 serran de têna netîceya grevê vêşanîye, şewat û korona de tepişteyê îmraliyî eşkerayî merdiman û avûkatanê xo bivînê. Eşkera yo ke no tecrîdo mutlaq ê vera Birêz Ocalanî vera xîretê çareserîya meseleya kurdan ê Birêz Ocalanî yo.

Birêz Ocalanî key firsend dî seba haştîye û çareserîya demokratîke xîret kerd. Coka tecrîd vera îmkanê haştîye û çareserîya demokratîke yo. Ma vînenê ke bêhuqûqîya vera Îmraliyî welat de vika bena. Nameyê keyeyanê tepişteyanê Îmraliyî ser o ma nêeşkenê înan ra xebere bikerê, qerqilîyenê. Ma wazenê peynîya bêhuqûqîya zîndanê Îmraliyî bêra ardene û heqê huqûqî yê merdiman bêrê dayene.

Ma venga dezgehanê erkdaran danê ke mesuldarîyanê xo bîyarê ca û venga rayaumûmîye danê ke wa bala xo bida na babete ser.” ANQARA