Duşem, Çile 25, 2022

Meclisa bi 27 endaman hat avakirin niha xwedî 27 sazî ye

Li komelgeha Duhola ya Şengalê, Meclisa Xweseriya Demokratîk a Şengalê bi minasebeta 7’emîn a salvegera damezrandina meclisê  civiya. Tevahiya endamên Meclisê ji pêkhateyên Şengalê tev li civînê bûn. Di cîvînê de rapora Desteya Rêvebir a Şengalê hate xwendin û di çarçoweya raporê de rewşa siyasî, rêxistinî û xebatên ku têne meşandin bi berfirehî hate nirxandin. Di nirxandinan de bi taybet polîtîkayên tasfiyekirina Rêveberiya Xweser a Şengalê û hewldanên şikestina îradeya civaka Êzidî hatin nirxandin û li hemberî van polîtîkayan soza mezinkirina têkoşîna Şengala xweser û azad hate dayîn.

 ‘Mam Zekî û Merwan Bedel yek ji damezrînerên meclisa gel bûn’

Li ser navê Meclisa Xweseriya Demokratîk a Şengalê, Cîgirê Hevserokatiya Meclisê Heso Brahîm daxuyanî da. Heso Birahîm da zanîn ku di 14’ê çileya 2015’an de meclisa avakar bi 27 endaman hatiye avakirin, di nav dorpêç û êrîşên çeteyên DAIŞ’ê de bingeha meclisa gel hatiye danîn û wiha berdewam kir: “Bi keda şehîdan ev meclis hate avakirin. Yek ji wan Mam Zekî Şengalî, Ş.Berxwedan û Hevserokê Desteya Rêvebir a Şengalê Merwan Bedel bûn.”

Heso Birahîm bibîrxist ku ji destpêka avakirina Meclisa Gel a Şengalê û heya niha pêşengên civaka Êzidî hedef hatine girtin û got: “Ev meclis bi 27 kesan hate avakirin lê îro 27 meclîs hene, 27 sazî hatine avakirin.

‘Bila Iraq neyê lîstikên dewleta tirk û PDK’ê’

Heso Birahîm hişyarî li hevkarên Tirkiyeyê û PDK’ê kir û ev bang li dewleta Iraqê kir: “Em bang li Iraqê jî dikin ku neyê lîstika dewleta Tirk û PDK’ê. Bila êdî mafê welatîbûna vî gelî qebûl bike. Êdî wê gelê me van tiştan bêbersiv nehêle.”

Meclisa bi 27 endaman hat avakirin niha xwedî 27 sazî ye

Li komelgeha Duhola ya Şengalê, Meclisa Xweseriya Demokratîk a Şengalê bi minasebeta 7’emîn a salvegera damezrandina meclisê  civiya. Tevahiya endamên Meclisê ji pêkhateyên Şengalê tev li civînê bûn. Di cîvînê de rapora Desteya Rêvebir a Şengalê hate xwendin û di çarçoweya raporê de rewşa siyasî, rêxistinî û xebatên ku têne meşandin bi berfirehî hate nirxandin. Di nirxandinan de bi taybet polîtîkayên tasfiyekirina Rêveberiya Xweser a Şengalê û hewldanên şikestina îradeya civaka Êzidî hatin nirxandin û li hemberî van polîtîkayan soza mezinkirina têkoşîna Şengala xweser û azad hate dayîn.

 ‘Mam Zekî û Merwan Bedel yek ji damezrînerên meclisa gel bûn’

Li ser navê Meclisa Xweseriya Demokratîk a Şengalê, Cîgirê Hevserokatiya Meclisê Heso Brahîm daxuyanî da. Heso Birahîm da zanîn ku di 14’ê çileya 2015’an de meclisa avakar bi 27 endaman hatiye avakirin, di nav dorpêç û êrîşên çeteyên DAIŞ’ê de bingeha meclisa gel hatiye danîn û wiha berdewam kir: “Bi keda şehîdan ev meclis hate avakirin. Yek ji wan Mam Zekî Şengalî, Ş.Berxwedan û Hevserokê Desteya Rêvebir a Şengalê Merwan Bedel bûn.”

Heso Birahîm bibîrxist ku ji destpêka avakirina Meclisa Gel a Şengalê û heya niha pêşengên civaka Êzidî hedef hatine girtin û got: “Ev meclis bi 27 kesan hate avakirin lê îro 27 meclîs hene, 27 sazî hatine avakirin.

‘Bila Iraq neyê lîstikên dewleta tirk û PDK’ê’

Heso Birahîm hişyarî li hevkarên Tirkiyeyê û PDK’ê kir û ev bang li dewleta Iraqê kir: “Em bang li Iraqê jî dikin ku neyê lîstika dewleta Tirk û PDK’ê. Bila êdî mafê welatîbûna vî gelî qebûl bike. Êdî wê gelê me van tiştan bêbersiv nehêle.”