Kesên ku haya wan ji pereyên kripto heye dê ev nûçe herî zêde bala wan bikişîne ser xwe. Di bazara pereyên krîpto de gelek nav hene, nirxên hin ji wan bilind dibin û hin ji wan jî kêm û bêqîmet dibin.

Di van rojên dawî de pereyekî krîpto ya ku ne navdar bû, ji nişke ve nirxê xwe zêde kir. Paşê jî derket holê ku sedema vê yekê mutasyona nû ya Covîd-19 de ye. Pereyê krîpto yê bi navê Omicron di destpêka meha mijdarê de ango di vê mehê de, hat destpêkirin. Ji ber ku navê mutasyona nû ya covîdê jî heman tişte, ew jî Omicron e van pereyên krîpto di nava demeke kurt de gelekî bi nirx bûn.

Bi belavbûna navê mutasyona nû re van pereyên Omicron jî nirxê wê bû derdora 700 dolarî, paşê daket 350 dolarî.

Wekî tê zanîn roja îna derbasbûyî rêxistina Tenduristiyê ya Cîhanê navê Omicron li varyanta nû ya Covîd-19 kiribû, ku li Afrîkayê gelekî berbelav bûye. Pê re jî nirxên wî pereyê ku xwedî heman nav e zêde bûbû.