Monday, September 20, 2021

Parlementer Alîcan Onlu: Wayîrê cografyaya Dêrsimî vejîyê

Operasyonê leşkerî de dewanê Danzî, Kurukaymak û Koçerî yê qezaya Xozatî yê Dêrsimî de şewat qewimîya. Şewat vilayê dewa Uzunçeşme ra zî bi. Şewat de bi desan hektar warê daristanî vêşa. Şarê herême wazeno şewat hewna bikero la leşkerî nêverdenê. Walîtîya Dêrsimî pê eşkerayîyêke îdîa kerd ke semedo ke ê nêeşkenê xo biresnê warê şewatî, nêeşkenê şewatî hewna bikerê.

Parlementerê Partîya Demokratîke ya Şaran (HDP) yê Dêrsimî Alîcan Onluyî derheqê şewatê Xozatî de eşkerayîyêke da. Onluyî eşkerayîye de pare kerd ke semedo ke ci rê mudaxeke nêame kerdene şewatê Xozatî vilayê Pulurî bîyo û herêma dewa Halîtpinar, Tokmak Baba û Dereyê Emîrxanî de şewatêko bîn ame vetene.

Onluyî derheqê şewatan de dîyar kerd ke şewatê Dêrsimî sey şewatanê şaristananê Tirkîya nêbi rojdem û vat: ”Key babete cografyaya Kurdîstanî bena rayaumûmîye bena bêveng. Şarê Dêrsimî têna meverde. Dêrsim de dewlete bi xo daristanan vêşnena û nêverdena şewatî rê mudaxele bêro kerdene. Rojawanê Tirkîya de şewatê daristanan yenê qeydkerdene la şewatê Dêrsimî nênê qeydkerdene.”

Onluyî dewamê qiseykerdişê xo de vat ke ma hol zananê mesuldarê şewatanê Kurdîstanî îqtîdar û hemkarê ci yê û ganî nê mesuldarî bêrê muhakemekerdene.
Onluyî tewr peynî wina vat: “Ma sere de Platformê Wa Munzur Azad Bihêriko venga rayaumûmîya Dêrsimî, dezgehanê sivîlan, sendîkayan û dezgehanê bawerîyan danê ke vera nê şewatî têbigêrê û daristananê Dêrsimî bipawê. Ma pîya vera nê polîtîkayanê qirkerdişê xoza vejîyê. Ma vera ê kesanê ke hêrişê xoza, bawerî, kultur û ziwanê ma kenê têkişt û mil bi mil vinderê.” ANQARA

Parlementer Alîcan Onlu: Wayîrê cografyaya Dêrsimî vejîyê

Operasyonê leşkerî de dewanê Danzî, Kurukaymak û Koçerî yê qezaya Xozatî yê Dêrsimî de şewat qewimîya. Şewat vilayê dewa Uzunçeşme ra zî bi. Şewat de bi desan hektar warê daristanî vêşa. Şarê herême wazeno şewat hewna bikero la leşkerî nêverdenê. Walîtîya Dêrsimî pê eşkerayîyêke îdîa kerd ke semedo ke ê nêeşkenê xo biresnê warê şewatî, nêeşkenê şewatî hewna bikerê.

Parlementerê Partîya Demokratîke ya Şaran (HDP) yê Dêrsimî Alîcan Onluyî derheqê şewatê Xozatî de eşkerayîyêke da. Onluyî eşkerayîye de pare kerd ke semedo ke ci rê mudaxeke nêame kerdene şewatê Xozatî vilayê Pulurî bîyo û herêma dewa Halîtpinar, Tokmak Baba û Dereyê Emîrxanî de şewatêko bîn ame vetene.

Onluyî derheqê şewatan de dîyar kerd ke şewatê Dêrsimî sey şewatanê şaristananê Tirkîya nêbi rojdem û vat: ”Key babete cografyaya Kurdîstanî bena rayaumûmîye bena bêveng. Şarê Dêrsimî têna meverde. Dêrsim de dewlete bi xo daristanan vêşnena û nêverdena şewatî rê mudaxele bêro kerdene. Rojawanê Tirkîya de şewatê daristanan yenê qeydkerdene la şewatê Dêrsimî nênê qeydkerdene.”

Onluyî dewamê qiseykerdişê xo de vat ke ma hol zananê mesuldarê şewatanê Kurdîstanî îqtîdar û hemkarê ci yê û ganî nê mesuldarî bêrê muhakemekerdene.
Onluyî tewr peynî wina vat: “Ma sere de Platformê Wa Munzur Azad Bihêriko venga rayaumûmîya Dêrsimî, dezgehanê sivîlan, sendîkayan û dezgehanê bawerîyan danê ke vera nê şewatî têbigêrê û daristananê Dêrsimî bipawê. Ma pîya vera nê polîtîkayanê qirkerdişê xoza vejîyê. Ma vera ê kesanê ke hêrişê xoza, bawerî, kultur û ziwanê ma kenê têkişt û mil bi mil vinderê.” ANQARA