PDK piştî sewqiyeta leşkerî ya ji bo herêma Metînayê, hêzeke zêde şand herêma Berdenazê ya girêdayî Hacîomranê. Hate ragihandin ku sewqiyeta leşkerî ya ji bo herêmê berdewam dike.

Lİ gor agahiyên ku ji çavkaniyên herêmî hatine bidestxistin, PDK hêzeke zêde şandiye herêma Berdenazê ya girêdayî Hacîomranê ku dikeve ser navçeya Soranê. Bi taybet di saetên şevê de sewqiyeta ji bo herêmê zêde bûye.

Têgotin ku hêzên ji bo Hacîomranê hatine şandin, hêzên Zêrevaniyê yên ser bi PDK’ê ne.

Hacîomran herêmeke dikeve ser sînorê Rojhilat û Başûrê Kurdistanê û herêma Qendîl û Xinerê yê bihev ve girê dide.