Rojnameya Heftane

Li dijî mirovên spî berxwedana jina reşik!

Li ser rûyê erdê tu civak tune ye ku ji pergala serdestan zirarê nedîtibe. Hin civak ji ber zimanê xwe, hin civak ji ber ola xwe, hin civak ji ber rengê çermê xwe rastî zextên…

Hunerê resimî de cinî

Wexto ke merdim tarîxê resimî rê ewnîyeno, vîneno ke tewr zêde morê xo camêrdan dayo piro. Na rewşe Rojhelato Mîyanênî ra bigîrê heta Amerîka, Asya, Afrîka û heta Ewropa her ca bi eynî rengî…

Pirtûka êş û bêrîkirinê

Pirtûka bi navê “Êşname” ya helbestvan Kadîr Çelîk ji weşanên Payîzê derket. Pirtûk ji 223 rûpelan pêk tê û nêzî 200 helbest tê de hene. Berhema Çelîk li pirtûkxaneyên kurdî li benda xwîner û helbesthezan  e.

Helbestvan Kadîr Çelîk der barê pirtûka xwe de dibêje ew bêtir ji helbestên kin hez dike û li dinê her ku diçe helbestên dirêj kêm dibin û niha terendek helbestên kin dest pê kiriye. Çelîk destnîşan dike ku divê helbestvan merama xwe bi kurtahî bîne ziman û her çiqas helbest kin be jî divê peyama xwe bîne ziman da ku tîna dilê xwîner bişkîne.

Çelîk dibêje pirtûka wî ya “Êşname” ji êş û bêrîkirinê pêk tê û bi giştî helbestên wî li ser êş û bêrîkirinê ne. Çelîk got ku ew di helbestan de derberînên xwe tîne ziman û ew diçe ku êş û bêrîkirin pê re ye. Çelîk da zanîn ku ew ji biçûkatiya xwe ve ji helbestê hez dike û salên dirêj e helbestan dinivîse. Çelîk dibêje ku ewilî bala wî li ser helbesta klasîk bû û paşê jî dengê bayê helbesta nûjen a efsûnî lê daye û wî dest bi helbesta nûjen kiriye. Çelîk got ku zimanê kurdî û helbest li bejna hev tên.

AMED