Şemî, Nîsan 17, 2021

Piştgiriya ji bo grevên birçîbûnê zêde dibe

Li girtîgehan ji bo tecrîda li ser Rêberê PKK’ê Abdullah Ocalan bi dawî bibe û binpêkirinên mafan ên li girtîgehan bi dawî bibin, girtiyan di 27’ê Mijdarê de dest bi çalakiya greva birçîbûnê ya bêdem û bidorveger kir.

Çalakiya greva birçîbûnê her diçe mezin dibe û komên nû grevê dewr digirin. Parêzvanên mafan, destnîşan kirin ku çalakiyên greva birçîbûnê ji ber polîtîkayên hikûmetê çêbûne û ji bo daxwazên girtiyan jî bi lêv kirin ku daxwazên wan hiqûqî ne û civak divê bibe dengê wan.

Hevseroka Komeleya Alîkarî û Piştevaniyê ya Ji Bo Malbatên Girtiyan a Marmarayê (MATÛHAY-DER) Esîn Çelîk got ku divê daxwazên girtiyan bên qebûlkirin. Serokê Giştî yê Weqfa Lêkolînên Civak û Hiqûqê (TOHAV) Dîdar Erdem jî destnîşan kir ku grevên birçîbûnê divê di çarçoveya azadiya fikir û ramanê de esas bên girtin û wiha got: “Ev daxwazên ku bi temamî daxwazên hiqûqî ne divê pêk bên.” Berdevkê Komîsyona Girtîgehan a Şaxa Komeleya Mafên Mirovan (ÎHD) a Stenbolê Mehmet Acettîn jî ev tişt anî ziman: “Heger hêzên demokrasiyê, aktivîstên mafên mirovan, partiyên siyasî, ciwan, jin û hemû kesên xwedî wijdan bên cem hev du û bi hev re tev bigerin dê encam bê girtin.”

Berdevka HDP’ê Ebrû Gunay bal kişand ser greva birçîbûnê ya li dijî tecrîda li Îmraliyê hatiye destpêkirin û wiha got: “Daxwaza çareseriyê ya girtiyên ketine greva birçîbûnê, daxwaza me ye.” STENBOL

Piştgiriya ji bo grevên birçîbûnê zêde dibe

Li girtîgehan ji bo tecrîda li ser Rêberê PKK’ê Abdullah Ocalan bi dawî bibe û binpêkirinên mafan ên li girtîgehan bi dawî bibin, girtiyan di 27’ê Mijdarê de dest bi çalakiya greva birçîbûnê ya bêdem û bidorveger kir.

Çalakiya greva birçîbûnê her diçe mezin dibe û komên nû grevê dewr digirin. Parêzvanên mafan, destnîşan kirin ku çalakiyên greva birçîbûnê ji ber polîtîkayên hikûmetê çêbûne û ji bo daxwazên girtiyan jî bi lêv kirin ku daxwazên wan hiqûqî ne û civak divê bibe dengê wan.

Hevseroka Komeleya Alîkarî û Piştevaniyê ya Ji Bo Malbatên Girtiyan a Marmarayê (MATÛHAY-DER) Esîn Çelîk got ku divê daxwazên girtiyan bên qebûlkirin. Serokê Giştî yê Weqfa Lêkolînên Civak û Hiqûqê (TOHAV) Dîdar Erdem jî destnîşan kir ku grevên birçîbûnê divê di çarçoveya azadiya fikir û ramanê de esas bên girtin û wiha got: “Ev daxwazên ku bi temamî daxwazên hiqûqî ne divê pêk bên.” Berdevkê Komîsyona Girtîgehan a Şaxa Komeleya Mafên Mirovan (ÎHD) a Stenbolê Mehmet Acettîn jî ev tişt anî ziman: “Heger hêzên demokrasiyê, aktivîstên mafên mirovan, partiyên siyasî, ciwan, jin û hemû kesên xwedî wijdan bên cem hev du û bi hev re tev bigerin dê encam bê girtin.”

Berdevka HDP’ê Ebrû Gunay bal kişand ser greva birçîbûnê ya li dijî tecrîda li Îmraliyê hatiye destpêkirin û wiha got: “Daxwaza çareseriyê ya girtiyên ketine greva birçîbûnê, daxwaza me ye.” STENBOL

Naveroka berê“Em” kurd kî ne?
Naveroka ya piştî vêZimanê bi zarokan re nejî dimire