Di rewşa heyî ya aboriya Tirkiyeyê de her roj di bihayên tiştan de guherîn çêdibin û hema bibêjin di her qadê de zehmetî tên jiyîn.Ji ber ku TL li hemberî  dowîzan her diçe nirx wenda dike qadên ku madeyên xwe yên bingehîn ji dervayê Tirkiyeyê li ser dowîzan dikirin bi zehmetiyên zêdetire rû bi rû dimînin.

Li Tirkiyeyê hilberîna kaxizan nayê kirin û madeyên çapkirina pirtûkan ji derveyê Tirkiyeyê li ser dovîzan tê stadin.  Ji ber wê jî yek ji qada ku zehmetiyan dikşîne weşanxane ne.Li welatên xizan civak zêdetir hewl didin ku debara xwe bikin. Pirtûk kirîn û xwendin di hin deveran de dibe lûks. Li Tirkiyeyê jî pirtûk xwendin zêde tunebû lê ji ber bihayên ku her roj diguherin  kesên ku pirtûk disandin jî êdî nikarin pirtûkan bikirin. Li aliyeke heta niha weşanxaneya pirtûkan çap dikir gel nedikirî lê niha ji ber qeyrana aboriyê lêçûnên weşanxaneyan pir zêde bûne û ew jî nikarin pirtûkan çap bikin. Ji ber van bihayan herî dawî çend weşanxaneyên mezin li ser medya dijîtal lêborîn ji xwînerên pirtûkan xwestin û diyar kirin ku ew ji ber bihayên melzemeyan nikarin pirtûkan çap bikin.