Sêşem, Nîsan 20, 2021

Polîsan hêrişê keyeyê Şenyaşarî kerd

Emîne Şenyaşara ke laj û mêrdeyê ci hetê pawitoxanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde roja 24. de nobeta edaletî rê dewam kerd. Polîsan wextê nobete de hêrişê Emîne Şenyaşar û Ferît Şenyaşarî kerd. Ferît Şenyaşar hêriş de xo ra şi û wedarîya nêweşxane.

Serê sibayî polîsan verî keye zereyê edlîye ra vet teber. Dima polîsan xîret kerd ke keye ‘muştemîlatê edlîye’ ra zî vejê. Ferîyt Şenyaşarî ard ziwan ke ê teberê edlîye de çalakîya xo rê dewam bikerê la polîsan hêrişê ci kerd û xîret kerd ke Ferît destbend bikerê.

Polîsan Ferît erdî ra kaş kerd, o çax lingê Ferît Şenyaşarî binê wesayîtî de mend û sereyê ci zî derbe werde. Ferît Şenyaşar krîzê sînîrî derbaz kerd û xo ra şi.

Ferît Şenyaşar pê ambulansî wedarîya Nêweşxaneyê Cigêrayîş û Perwerdeyî yê Mehmet Akîf Înanî. Dayîke Emîne û avûkatî zî şîyî nêweşxane. Dayîke Emîne vat: ”Ma şorê ça bigêrê edaletî? Şima ma ra çita wazenê? Şima çira kiştoxan destbend nêkenê?”

Muxabîran rê gef

Hetê bînî ra polîsan muxabîran Jinnews û Ajansê Mezopotamya rê zî gef wend ke dîmenan nêgêrê û vat: ”Eke şima dîmenan bigêrê ma şima destbend kenê.”

Ferît Şenyaşarî rê nêweşxane de serûm dîyeno. Keyeyî hesabê xo yê medyaya dîjîtale de nqa eşkerayîye daye: ”Polîsan hêrişê dadî û kekê ma kerd û xîret kerd ke înan destbend bikerê. Kekê mi ame derbkerdene û nika nêweşxane de yo. Şima kes edalet biwazo wina cewab danê?” RIHA 

Polîsan hêrişê keyeyê Şenyaşarî kerd

Emîne Şenyaşara ke laj û mêrdeyê ci hetê pawitoxanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde roja 24. de nobeta edaletî rê dewam kerd. Polîsan wextê nobete de hêrişê Emîne Şenyaşar û Ferît Şenyaşarî kerd. Ferît Şenyaşar hêriş de xo ra şi û wedarîya nêweşxane.

Serê sibayî polîsan verî keye zereyê edlîye ra vet teber. Dima polîsan xîret kerd ke keye ‘muştemîlatê edlîye’ ra zî vejê. Ferîyt Şenyaşarî ard ziwan ke ê teberê edlîye de çalakîya xo rê dewam bikerê la polîsan hêrişê ci kerd û xîret kerd ke Ferît destbend bikerê.

Polîsan Ferît erdî ra kaş kerd, o çax lingê Ferît Şenyaşarî binê wesayîtî de mend û sereyê ci zî derbe werde. Ferît Şenyaşar krîzê sînîrî derbaz kerd û xo ra şi.

Ferît Şenyaşar pê ambulansî wedarîya Nêweşxaneyê Cigêrayîş û Perwerdeyî yê Mehmet Akîf Înanî. Dayîke Emîne û avûkatî zî şîyî nêweşxane. Dayîke Emîne vat: ”Ma şorê ça bigêrê edaletî? Şima ma ra çita wazenê? Şima çira kiştoxan destbend nêkenê?”

Muxabîran rê gef

Hetê bînî ra polîsan muxabîran Jinnews û Ajansê Mezopotamya rê zî gef wend ke dîmenan nêgêrê û vat: ”Eke şima dîmenan bigêrê ma şima destbend kenê.”

Ferît Şenyaşarî rê nêweşxane de serûm dîyeno. Keyeyî hesabê xo yê medyaya dîjîtale de nqa eşkerayîye daye: ”Polîsan hêrişê dadî û kekê ma kerd û xîret kerd ke înan destbend bikerê. Kekê mi ame derbkerdene û nika nêweşxane de yo. Şima kes edalet biwazo wina cewab danê?” RIHA