Duh Onur Gencer êrîşê avahiya HDP’ê ya Îzmîrê kir û Denîz Poyraz qetil kir. Li dû qetilkirina Poyraz xwest agir berde avahiya HDP’ê.
Hat diyarkirin ku polîsan piştî bûyerê dest danîne ser qeydên kamerayê yên ku êrîşkar Onur Gencer têde ye û qeydan jê birine. Hat hînbûn ku polîsan dîmenên hefteyeke yên ku ji esnafan girtine jê birine.
Xebatkarên kargeh û esnafên ku qeydên wan hatine komkirin dibêjin polîs serê sibehê hatine cihê karên wan û qeydên kamereyan ên hefteyekê girtine û pişt re qeyd jê birine. Polîsan ev kiryara xwe nesipartine tu qanûnekê û ji esnafan re tu hinceta komkirin û jêbirinê ranegihandine.
