În, Nîsan 16, 2021

PYNK: Diyaloga kurdî-kurdî dest pê kir

Pariyên Yekitiya Nîştimanî ya Kurdî (PYNK) îro li ser bangewaziya Fermandarê Giştî yê HSD`ê Mezlûm Ebdî ya ji bo berdewamkirin danûstandinên di navbera wan û Encumena Niştimanî ya Kurdî ya Sûriyeyê (ENKS) de, daxuyaniyek da.

‘Dê bibe bingeha çareseriya siyasî’

Di daxuyaniya PYNK`ê de hat diyarkirin ku diyaloga kurdî-kurdî ya di navbera wan û ENKS’ê de, bi înîsiyatîfa Fermandarê Giştî yê Hêzên Sûriyeya Demokatîk General Mezlûm Ebdî û bi çavdêriya yekser a Amerîkayê, diyaloga kurdî-kurdî dest pê kir û wiha hat gotin: “Derdorên kurd û kurdistanî û hevalbendên navneteweyî pêşwaziya vê yekê kir. Serkeftina vê diyalogê ji bo xurtkirina îstiqrarê li Bakur û Rojhilatê Sûriyê roleke wê ya girîng heye. Ev yek dê bibe bingeha çareseriya siyasî ya aloziya Sûriyeyê bi giştî. Diyaloga kurdî-kurdî gava yekemîn a diyaloga niştimanî ya giştî ye. Tevî hemû astengî û zehmetiyên ku di vê qonaxê de rastî me hatine jî, lê belê PYNK û ENKS’ê li ser gelek mijaran li hev kirine.”

Tê diyarkirin ku hindik maye ew bigihîjin lihevkirineke giştî ku di encamê de lêvegereke kurdî ya bilind û biryara siyasî ya serbixwe derkeve holê û bi vî awayî hêvî û xewnên gelê kurd da ku doza wî ya heq li qada neteweyî û navneteweyî bê temsîlkirin. Her hat bibîrxistin ku serkeftina vê diyalogê ji bo doza niştimanî û neteweyî stratejîk e û dê bidome.

Banga li çapemeniya kurdî

Di dawiya daxuyaniyê de hat destnîşankirin ku PYNK pabendî lihevkirinên berî niha ye û di heman demê de bang li hemû hêzên kurdî, kurdistanî, neteweyî û hevalbend kir ku ji bo piştgiriya diyalogên PYNK û ENKS’ê hewl bidin. Her wiha bang li dezgehên çapemeniya kurdî hat kirin ku divê her du aliyan nêzî hev bikin.

PYNK: Diyaloga kurdî-kurdî dest pê kir

Pariyên Yekitiya Nîştimanî ya Kurdî (PYNK) îro li ser bangewaziya Fermandarê Giştî yê HSD`ê Mezlûm Ebdî ya ji bo berdewamkirin danûstandinên di navbera wan û Encumena Niştimanî ya Kurdî ya Sûriyeyê (ENKS) de, daxuyaniyek da.

‘Dê bibe bingeha çareseriya siyasî’

Di daxuyaniya PYNK`ê de hat diyarkirin ku diyaloga kurdî-kurdî ya di navbera wan û ENKS’ê de, bi înîsiyatîfa Fermandarê Giştî yê Hêzên Sûriyeya Demokatîk General Mezlûm Ebdî û bi çavdêriya yekser a Amerîkayê, diyaloga kurdî-kurdî dest pê kir û wiha hat gotin: “Derdorên kurd û kurdistanî û hevalbendên navneteweyî pêşwaziya vê yekê kir. Serkeftina vê diyalogê ji bo xurtkirina îstiqrarê li Bakur û Rojhilatê Sûriyê roleke wê ya girîng heye. Ev yek dê bibe bingeha çareseriya siyasî ya aloziya Sûriyeyê bi giştî. Diyaloga kurdî-kurdî gava yekemîn a diyaloga niştimanî ya giştî ye. Tevî hemû astengî û zehmetiyên ku di vê qonaxê de rastî me hatine jî, lê belê PYNK û ENKS’ê li ser gelek mijaran li hev kirine.”

Tê diyarkirin ku hindik maye ew bigihîjin lihevkirineke giştî ku di encamê de lêvegereke kurdî ya bilind û biryara siyasî ya serbixwe derkeve holê û bi vî awayî hêvî û xewnên gelê kurd da ku doza wî ya heq li qada neteweyî û navneteweyî bê temsîlkirin. Her hat bibîrxistin ku serkeftina vê diyalogê ji bo doza niştimanî û neteweyî stratejîk e û dê bidome.

Banga li çapemeniya kurdî

Di dawiya daxuyaniyê de hat destnîşankirin ku PYNK pabendî lihevkirinên berî niha ye û di heman demê de bang li hemû hêzên kurdî, kurdistanî, neteweyî û hevalbend kir ku ji bo piştgiriya diyalogên PYNK û ENKS’ê hewl bidin. Her wiha bang li dezgehên çapemeniya kurdî hat kirin ku divê her du aliyan nêzî hev bikin.