Friday, October 22, 2021

Qetlîyamê Cansizan, Sêvêyan û Denîzan

Valêre

Rojêka bi qetilkerdişî cinîyêka kurd e de mi dest bi nuştene kerd. Werikna ma çîyanê kêfweşîyan û şadîyan binusnayêne la çi heyfo ke serebûtî kêm nêbenî û hewrê sîyayî pêşê mazluman nêverdenî. Wazenê welatê xo de bibe, wazenê zî sewbîna welatêk de bibe ferq nêkeno, wexto ke qala kurdan bibo qetlîyamanê hovaneyî pê yenî. Pêroyê dinya sond werda û kêfweşî kurdan rê qedexe kerda. Vera kurdan de hêzê hegemonîk bîyî yew. Kurdî zî şerê serdestan danî ramitene.

Hema gonîya Qetlîyamê Parîsî (9ê çeleyê 2013), qetlîyamê Silopî (4ê çeleyê 2016) nêbîbî zuha, qetlîyamê Îzmîrî pê ame. Cinîya ciwane Denîz Poyraze bînaya HDPyî ya Îzmîrî de serê areyîya xo de bi hîsanê hovaneyan hetê Onur Gence ra ameye qetilkerdene û fotografê ci hetê qatilî ra ame antene. No qetlîyam de zî dîyaro ke hedef qetlîyamêko girseyîbî. Kesêkî pê çeke senî bi asanî erzeno bîna ser û adir verdeno bîna? Gelo nê hêzî çara gêno?

Qetlîyam ra dima fotografê Gence ke verê cû pare kerdbî vejîyayî raşte. Xora fotografanê Gence ra asîyeno ke no kes kesêko perwerdekerde yo û semedê viraştişê qetlîyaman ameyo resnayene. Keso ke Sûrîye de safê çeteyan de şer bikero senî dest û linganê xo bi asanî têşaneno û gêreno? Hende qala demokrasî yeno kerdene la heq, huqûq, edalet û welat tena îdeolojîyêk rê xizmet kenê. Tîya de vatiş û kerdiş yewbînan nêtepişnenê. Her çî eksê vatişan de yo. Tacîz, tecawuz û qetlîyam çi beno wa bibo wexto ke semedê pawitişê welatî sucêk bêro kerdene o kes welatparêz o û cezaya tewr tay gêno.

Badê qetlîyamê Parîsî fekê selahîyetdaran ra zî vejîya ke Omer Guney hetê MÎTî ra ameyo wezîfedarkerdene û bi hawayêko şikin ame vatene ke zîndan de merdo. Yanî serê serebûtî ame padîyayene. Onur Gence zî qatilêko perwerdekerde yo. Engişta hêzan pêroyê serebûtanê sîyasîyan de esta. Nê hirê qetlîyamî zî sîyasî yê û zaf manenê yewbînan. Şexs cîya bibî zî kerdox yew o, amanc yew o. Şerê leymin de hedefo yewin şikitişê îradeya cinîyan o. Hêzê hegemonîk û serdestî hêzê cinîyan ra tersenê. Pêroyê qetlîyaman de hedef cinî ya.

Dinya dinyaya tay kesan a. Kurdan rê teng a, la hetgiran rê cennet a. Her kes zano ke peynîya zaliman qet çinî bî û çina zî. Hêzê tarî û çeteyê perwerdekerde reyna gûre sero de yî. Asayîşê kurdan ne tîya de û ne zî sewbîna welatêk de çin o. Ganî kurdî vera nê kerdişan de hêzê xo bikerê yew û destûr nêdê qatilî rehet têbigeyrê û helm bigîrê.

Qetlîyamê Cansizan, Sêvêyan û Denîzan

Valêre

Rojêka bi qetilkerdişî cinîyêka kurd e de mi dest bi nuştene kerd. Werikna ma çîyanê kêfweşîyan û şadîyan binusnayêne la çi heyfo ke serebûtî kêm nêbenî û hewrê sîyayî pêşê mazluman nêverdenî. Wazenê welatê xo de bibe, wazenê zî sewbîna welatêk de bibe ferq nêkeno, wexto ke qala kurdan bibo qetlîyamanê hovaneyî pê yenî. Pêroyê dinya sond werda û kêfweşî kurdan rê qedexe kerda. Vera kurdan de hêzê hegemonîk bîyî yew. Kurdî zî şerê serdestan danî ramitene.

Hema gonîya Qetlîyamê Parîsî (9ê çeleyê 2013), qetlîyamê Silopî (4ê çeleyê 2016) nêbîbî zuha, qetlîyamê Îzmîrî pê ame. Cinîya ciwane Denîz Poyraze bînaya HDPyî ya Îzmîrî de serê areyîya xo de bi hîsanê hovaneyan hetê Onur Gence ra ameye qetilkerdene û fotografê ci hetê qatilî ra ame antene. No qetlîyam de zî dîyaro ke hedef qetlîyamêko girseyîbî. Kesêkî pê çeke senî bi asanî erzeno bîna ser û adir verdeno bîna? Gelo nê hêzî çara gêno?

Qetlîyam ra dima fotografê Gence ke verê cû pare kerdbî vejîyayî raşte. Xora fotografanê Gence ra asîyeno ke no kes kesêko perwerdekerde yo û semedê viraştişê qetlîyaman ameyo resnayene. Keso ke Sûrîye de safê çeteyan de şer bikero senî dest û linganê xo bi asanî têşaneno û gêreno? Hende qala demokrasî yeno kerdene la heq, huqûq, edalet û welat tena îdeolojîyêk rê xizmet kenê. Tîya de vatiş û kerdiş yewbînan nêtepişnenê. Her çî eksê vatişan de yo. Tacîz, tecawuz û qetlîyam çi beno wa bibo wexto ke semedê pawitişê welatî sucêk bêro kerdene o kes welatparêz o û cezaya tewr tay gêno.

Badê qetlîyamê Parîsî fekê selahîyetdaran ra zî vejîya ke Omer Guney hetê MÎTî ra ameyo wezîfedarkerdene û bi hawayêko şikin ame vatene ke zîndan de merdo. Yanî serê serebûtî ame padîyayene. Onur Gence zî qatilêko perwerdekerde yo. Engişta hêzan pêroyê serebûtanê sîyasîyan de esta. Nê hirê qetlîyamî zî sîyasî yê û zaf manenê yewbînan. Şexs cîya bibî zî kerdox yew o, amanc yew o. Şerê leymin de hedefo yewin şikitişê îradeya cinîyan o. Hêzê hegemonîk û serdestî hêzê cinîyan ra tersenê. Pêroyê qetlîyaman de hedef cinî ya.

Dinya dinyaya tay kesan a. Kurdan rê teng a, la hetgiran rê cennet a. Her kes zano ke peynîya zaliman qet çinî bî û çina zî. Hêzê tarî û çeteyê perwerdekerde reyna gûre sero de yî. Asayîşê kurdan ne tîya de û ne zî sewbîna welatêk de çin o. Ganî kurdî vera nê kerdişan de hêzê xo bikerê yew û destûr nêdê qatilî rehet têbigeyrê û helm bigîrê.