Friday, October 22, 2021

Şarê Çewlîgî: Walîtîye ma dir qisey nêkerd

Walîtîya Walîtîya Çewlîgîîdîa kerd ke înan netîceya pêvînayîşanê bi şarî de daristananê Karacehenemî de darî birnayî. Dewijan îdîa red kerde û da zanayene ke qet yew kesî fikrê înan nêgirewto

Qezaya Kanîreşî ya Çewlîgî de daristananê Karacehenemî de 7ê teşrîna verêne ra nata bi bahaneya ‘asayîşî’ darê se serrî birîyenê. Nêrazîbîyayîşan ra dima Walîtîya Çewlîgî perey eşkerayîyêke daye û îdîa kerd ke ê xebata gonîkerdişê daran lenê û xebata birnayîşî ra verî şarî reyde pêvînayîş kerdo.

Dewijan eşkerayîya walîtîye ra dima pare kerd ke leşkeran înan rê beyan kerdo ke darî semedê asayîşî birîyenê. Dewijan da zanayene ke qet yew kesî înan reyde mişawre nêkerdo û xebera înan pê birnayîşî çinbî.

Roniştoxa dewa Qizilagaçî Belkisa Bîlgîlî vat: ”Êyê ke ewro daranê ma birnenê û vêşnenê siba ma rê zî heman çi kenê. Wa keyeyanê ma bivêşnê la daranê ma mevêşnê.”

Hazale Saîm îfade kerd ke bê xebera înan darî birîyayî û vat: ”Ma mirenê la daranê xo ra fek vera nêdanê. Wa na xayînîye ma rê nêkerê.”

Rahîbe Çelîkbîlek vat: ”Eke daristanî bibirîyê ma tîya de se kenê? Senî ke Antalya vêşa cigêrê înan vêşa ê ma zî vêşeno. No erd û daristanî ê ma yê. Wa hînî ma pê ma heqaret mekerê.”

Îkram Kanîyî vat: ”Ê wazenê ke ma apey bimanê, vêşan bimanê û muhtacê înan bibê. Armancê înan no yo coka destê xo danê daristananê ma. Dewe yê ma ya, daristanî ê ma yê. Ê tîya de se kenê? Ê daranê ma diznenê, roşenê. Wa ê têmedê. Rîyê înan ra ma dewa xo de rehet nîyê, nêeşkenê keyeyê xo ra vejîyê. Ma heta nika dewlete ra yew xêr nêdî, ma dewlete ra çîyêk nêgirewt wa a zî ma ra megêra.” ÇEWLÎG 

Şarê Çewlîgî: Walîtîye ma dir qisey nêkerd

Walîtîya Walîtîya Çewlîgîîdîa kerd ke înan netîceya pêvînayîşanê bi şarî de daristananê Karacehenemî de darî birnayî. Dewijan îdîa red kerde û da zanayene ke qet yew kesî fikrê înan nêgirewto

Qezaya Kanîreşî ya Çewlîgî de daristananê Karacehenemî de 7ê teşrîna verêne ra nata bi bahaneya ‘asayîşî’ darê se serrî birîyenê. Nêrazîbîyayîşan ra dima Walîtîya Çewlîgî perey eşkerayîyêke daye û îdîa kerd ke ê xebata gonîkerdişê daran lenê û xebata birnayîşî ra verî şarî reyde pêvînayîş kerdo.

Dewijan eşkerayîya walîtîye ra dima pare kerd ke leşkeran înan rê beyan kerdo ke darî semedê asayîşî birîyenê. Dewijan da zanayene ke qet yew kesî înan reyde mişawre nêkerdo û xebera înan pê birnayîşî çinbî.

Roniştoxa dewa Qizilagaçî Belkisa Bîlgîlî vat: ”Êyê ke ewro daranê ma birnenê û vêşnenê siba ma rê zî heman çi kenê. Wa keyeyanê ma bivêşnê la daranê ma mevêşnê.”

Hazale Saîm îfade kerd ke bê xebera înan darî birîyayî û vat: ”Ma mirenê la daranê xo ra fek vera nêdanê. Wa na xayînîye ma rê nêkerê.”

Rahîbe Çelîkbîlek vat: ”Eke daristanî bibirîyê ma tîya de se kenê? Senî ke Antalya vêşa cigêrê înan vêşa ê ma zî vêşeno. No erd û daristanî ê ma yê. Wa hînî ma pê ma heqaret mekerê.”

Îkram Kanîyî vat: ”Ê wazenê ke ma apey bimanê, vêşan bimanê û muhtacê înan bibê. Armancê înan no yo coka destê xo danê daristananê ma. Dewe yê ma ya, daristanî ê ma yê. Ê tîya de se kenê? Ê daranê ma diznenê, roşenê. Wa ê têmedê. Rîyê înan ra ma dewa xo de rehet nîyê, nêeşkenê keyeyê xo ra vejîyê. Ma heta nika dewlete ra yew xêr nêdî, ma dewlete ra çîyêk nêgirewt wa a zî ma ra megêra.” ÇEWLÎG