Pêncşem, December 2, 2021

Şarê kurd verarojê xo Ocalanî de vîneno

Nizdîyê 23 serrê yo ke dewleta tirkî wazena bi yew hewa tekilîya raberê PKKyî Abdullah Ocalanî û şarê kurdî yewbînan ra qut bikera. Labelê bi serrano eno kar û xebata dewleta Tirkîya vengra şona. Anketê peynî nawnenê ke birêz Abdullah Ocalan çende zî Girawa Îmrali de binê tecrîdî de bibo zî, reyna şarê kurd bîr û bawerîya xo ci ano.

Newroza 2021î de şarê kurd bi mîlyonan vecîya qadan û bi yew venge siloganê ‘Bicuwîyo Serek Apo’ qîra. Wan ra heya Amed, Cizîr ra heya Stenbol vaştişê şarê kurd yew bi û azadîya birêz Ocalanî ame waştiş. Çimkî şarê kurd azadîya xo, azadîya birêz Ocalanî de vîneno.

Şarê kurd çiqas no vaştişê xo bîyaro ziwan, dewleta tirkî hende birêz Ocalanî ser o de tecrîd vêşî kena. Nê rojan de reyna çalakîyê verva tecrîdê serê birêz Ocalanî vêşî biyî. Yew kinarra şarê kurd bi aşmano çalakîyan virazeno, kinaro bin de tepişteyê zîndanan çalakîya grevê vêşanîye berdewam kenê.

Qala kêm kê şêno vajo, şarê kurd çalakîyanê xo de nawneno; sîstemê Îmrali nîno qebûl kerdiş. Verva hende zor û zilmî çi semed ra destê şarê kurdî birêz Ocalanî ra nêbeno? Cewabê no persî ez cêr de şima rê eşkera bika.

Nê rojan de yew anket hame viraştiş. No anket rolê birêz Ocalanî vet werte.

Mîyanîya Cigêrayîşanê Herême yê Sosyo-Polîtîkan 1-10ê nîsana 2021î de Amed, Êlih, Mêrdîn, Dîlok, Wan, Şirnex, Sêrt, Mûş, Meletî, Îdir, Colemêrg, Xarpêt, Dêrsim, Bedlîs, Çewlîg, Agirî û Semsûr zî tede 18 şaristanan de anketêk viraşte.
Beşdaranê anketî se ra 95,4 kesî xo sey ‘kurd’ pênase kenê. Anket derheqê ‘meseleya kurdan û nêzdîbîyayîşanê çareserî’ de daneyan dano.

Bi temamî 948 kesî tewrê nê anketî bîyî.

Persê enê anketî zî zaf balkêş bî. Persa ‘meseleya kurd esta yan çinîya?’ de se ra 82,3 kesî cewabê ‘Meseleya kurdan esta’ dayî. Goreyê rayedaranê dewleta tirkî meseleya kurd nêmenda. Labelê şarê Vakûrê Kurdistanî vano ke meseleya kurdî esta.

Yewna persa anketî HDPyî nizdîra alakeder keno. Pers de yeno persnayîş; kamyew partî seba çareserîya meseleya kurd xizmet kena? Cewabê nê persî zî se ra 87,8 HDP bî. Şima zî zanê hukmatê AKP-MHPyî nê rojan de wazeno HDPyî pado, labelê şarê kurd HDPyî sey çareserîya xo adres nîşan dano.

Reyna yewna persî de ‘pirsgirêka kurd bi kamik statû çareser bena?’ persîyayo. Hemwelatîyê ke tewrê anketî biyî, se ra 57ê înan cewabê; Xoserîya Demokratîke dayî. Yewna pers zî ‘Kam vernîya çareserîya meseleya kurdî de astengî virazano?’ bî. Cewabê nê persî zî zaf balkêş bî, şarê kurd se ra 45,6 îtîfaqê Cumhurî yan zî Erdoganî nîşan nawnayo.

Reyna persa herî balkêşe ê anketî serê rol û mîsyonê birêz Ocalanî de bî. Pers no yo; ‘Goreyê to muxatabê çareserîya meseleya kurdan kam o/a’? Başdarvanê nê anketî se ra 56,5 Partîyê sîyasî yê Meclîsî, Abdullah Ocalan û PKKyî adres newnayê.

No anketî de reyna vecîya werte ke şarê kurd verva heme zext û zordarîyanê dewleta tirkî, hem birêz Abdullah Ocalanî û hem zî projeyê birêz Ocalanî heza HDPyî rayîrê çareserkerdina pirsgirêka kurdî de adres nawneno. Tena no zî nê şarê kurd rayîrê çareserî zî reyna birêz Ocalanî vîneno. Beşdervanê nê anketî nişan dayî ke rayîrê çareserîya pirsgirêka kurd bi statûya Xoserîya Demokratîke mumkuno.

Şarê kurd heme platforman de hem talebanê xo ano ziwan, hem zî rayîrê çareserîye nîşan dano. Nika top destê rayedaranê dewleta tirkî de yo. Dewleta tirkî verva talebanê şarê kurdî de lazimo êdî xo ker û lâl nêkera…

Şarê kurd verarojê xo Ocalanî de vîneno

Nizdîyê 23 serrê yo ke dewleta tirkî wazena bi yew hewa tekilîya raberê PKKyî Abdullah Ocalanî û şarê kurdî yewbînan ra qut bikera. Labelê bi serrano eno kar û xebata dewleta Tirkîya vengra şona. Anketê peynî nawnenê ke birêz Abdullah Ocalan çende zî Girawa Îmrali de binê tecrîdî de bibo zî, reyna şarê kurd bîr û bawerîya xo ci ano.

Newroza 2021î de şarê kurd bi mîlyonan vecîya qadan û bi yew venge siloganê ‘Bicuwîyo Serek Apo’ qîra. Wan ra heya Amed, Cizîr ra heya Stenbol vaştişê şarê kurd yew bi û azadîya birêz Ocalanî ame waştiş. Çimkî şarê kurd azadîya xo, azadîya birêz Ocalanî de vîneno.

Şarê kurd çiqas no vaştişê xo bîyaro ziwan, dewleta tirkî hende birêz Ocalanî ser o de tecrîd vêşî kena. Nê rojan de reyna çalakîyê verva tecrîdê serê birêz Ocalanî vêşî biyî. Yew kinarra şarê kurd bi aşmano çalakîyan virazeno, kinaro bin de tepişteyê zîndanan çalakîya grevê vêşanîye berdewam kenê.

Qala kêm kê şêno vajo, şarê kurd çalakîyanê xo de nawneno; sîstemê Îmrali nîno qebûl kerdiş. Verva hende zor û zilmî çi semed ra destê şarê kurdî birêz Ocalanî ra nêbeno? Cewabê no persî ez cêr de şima rê eşkera bika.

Nê rojan de yew anket hame viraştiş. No anket rolê birêz Ocalanî vet werte.

Mîyanîya Cigêrayîşanê Herême yê Sosyo-Polîtîkan 1-10ê nîsana 2021î de Amed, Êlih, Mêrdîn, Dîlok, Wan, Şirnex, Sêrt, Mûş, Meletî, Îdir, Colemêrg, Xarpêt, Dêrsim, Bedlîs, Çewlîg, Agirî û Semsûr zî tede 18 şaristanan de anketêk viraşte.
Beşdaranê anketî se ra 95,4 kesî xo sey ‘kurd’ pênase kenê. Anket derheqê ‘meseleya kurdan û nêzdîbîyayîşanê çareserî’ de daneyan dano.

Bi temamî 948 kesî tewrê nê anketî bîyî.

Persê enê anketî zî zaf balkêş bî. Persa ‘meseleya kurd esta yan çinîya?’ de se ra 82,3 kesî cewabê ‘Meseleya kurdan esta’ dayî. Goreyê rayedaranê dewleta tirkî meseleya kurd nêmenda. Labelê şarê Vakûrê Kurdistanî vano ke meseleya kurdî esta.

Yewna persa anketî HDPyî nizdîra alakeder keno. Pers de yeno persnayîş; kamyew partî seba çareserîya meseleya kurd xizmet kena? Cewabê nê persî zî se ra 87,8 HDP bî. Şima zî zanê hukmatê AKP-MHPyî nê rojan de wazeno HDPyî pado, labelê şarê kurd HDPyî sey çareserîya xo adres nîşan dano.

Reyna yewna persî de ‘pirsgirêka kurd bi kamik statû çareser bena?’ persîyayo. Hemwelatîyê ke tewrê anketî biyî, se ra 57ê înan cewabê; Xoserîya Demokratîke dayî. Yewna pers zî ‘Kam vernîya çareserîya meseleya kurdî de astengî virazano?’ bî. Cewabê nê persî zî zaf balkêş bî, şarê kurd se ra 45,6 îtîfaqê Cumhurî yan zî Erdoganî nîşan nawnayo.

Reyna persa herî balkêşe ê anketî serê rol û mîsyonê birêz Ocalanî de bî. Pers no yo; ‘Goreyê to muxatabê çareserîya meseleya kurdan kam o/a’? Başdarvanê nê anketî se ra 56,5 Partîyê sîyasî yê Meclîsî, Abdullah Ocalan û PKKyî adres newnayê.

No anketî de reyna vecîya werte ke şarê kurd verva heme zext û zordarîyanê dewleta tirkî, hem birêz Abdullah Ocalanî û hem zî projeyê birêz Ocalanî heza HDPyî rayîrê çareserkerdina pirsgirêka kurdî de adres nawneno. Tena no zî nê şarê kurd rayîrê çareserî zî reyna birêz Ocalanî vîneno. Beşdervanê nê anketî nişan dayî ke rayîrê çareserîya pirsgirêka kurd bi statûya Xoserîya Demokratîke mumkuno.

Şarê kurd heme platforman de hem talebanê xo ano ziwan, hem zî rayîrê çareserîye nîşan dano. Nika top destê rayedaranê dewleta tirkî de yo. Dewleta tirkî verva talebanê şarê kurdî de lazimo êdî xo ker û lâl nêkera…