Keyeyê Gulîstan Dokuya ke 5ê çeleyê 2020î ra nata vînibîyaye ya seba dîyişê aye 13 rojî yo ke çalakîya roniştişî de yo. Keye seba dîyişê kênaya xo 600 parlementeran rê mektube şirawit.
Wendekara Unîversîteya Munzurî Gulîstan Dokuye 5ê çeleyî ra nata vînbîyaye ya. Netîceya xebetanê cigêrayîşî Gulîstane ra rêçêk nêame dîyene û tehqîqatê serdozgerîye zî aver nêşino. Vindîbîyayîşê Dokuye ra dima vejîya raşte ke Dokuye tewr peynî embazê xo Zaynal Abarokî reyde telefon de qisey kerda. Zaynal Abarok eslê xora kesêko Rûsî yo. Dima ra dadîya ci Dêrsim de polîsêk bi nameyê Engin Yucerî reyde zewicîyaya û no Yucerî ci kerdo sey lajê xo. Heta nika derheqê keso şikin Zaînal Abarakovî ke pêroyê delîlan ci nîşan danî de tu tehqîqatêk nêdîyayo dest pêkerdene. Yucerî ke sey babîyê Abakarovî yeno zanayene şewêk saetanê şewe de keyeyê xo yê Taxa Ataturkî ra keyeyê xo bar kerd û şî.
Keyeyê Gulîstan Dokuye seba dîyişê aye 13 rojî ra nata vere Adlîyeya Dêrsimî de çalakîya roniştişî de yo. Keye seba dîyişê kênaya xo 600 parlementeran rê mektube şirawit. Endamê MeclîsêCinşyan yê Partîya Demokratîke ya Şaran (HDP) şî zîyaretê keyeyê Dokuye. Babîyê aye Halît, maya aye Bedrîye û waya aye Aygul Dokuye badê çalakîya roniştişî ê vere adlîye şîyî vere walîtîye û veng dayî walîtîye. Keye seba dîyişê kênaya xo 600 parlementeran rê mektube şirawit. DÊRSIM
