Rojnameya Heftane

Seba şermizarkerdişê Erdoganî vengê tewrbîyayîşê çalakîyan

Merkezê Xeberan

Federasyonê Elewîyan ê Demokratîkan (FEDA) vera dawetkerdişê Serekkomarê Tirkîya Recep Tayyîp Erdoganî yê Cenevre nêrazîbîyayîş ramojna û seba çalakîya şermezarkerdişî ya 17ê kanûne vegdayîşê tewrbîyayîşî kerd

FEDA eşkerayîyêke weşanaye û dawetkerdişê Serekkomarê Tirkîya yê seba Forumê 1. ê Multecîyan ê Globalî şermezar kerd.

Eşkerayîya FEDA wina ya: “Cergê gonîwerdeyî yê Erdoganî her roje bi çekanê kîmyewîyan hêrişê Rojawanî kenê, merdiman qetil kenê. Nê hêrişan de bi desan merdimî ameyî qetilkerdene û bi hezaran merdiman warê xo ra koç kerd. Qet nêno qebulkerdene ke dîkdatorêko gonîwerde bernameyêkê winasênî de welatanê cîyayan reyde serekîye biko. Erdogan keso ke zulm û gonî ra mird nêbeno. Tewrbîyayîşê ci yê forumî nîşanê hêriş û qirkerdişan ê neweyan o. Ma venga her kesî bi taybetî venga elewîyan danê ke 17ê kanûne de saete 11 de herêma Place des Nationsî ya Cenevre de tewrê çalakîya vera dîktator Erdoganî bibê.”