Kovara Şermola ya ku li Rojava tê weşandin bi hejmara xwe ya 12’an derkete pêşberî xwînerên xwe. Kovar di vê hejmara xwe de li ser mijara ‘Di wêjeyê de çîrok’ sekiniye.

Kovara ku sê meha carek derdikeve bi zimanê kurdî û erebî weşanê dike.

Şermola di vê hejmarê de ligel dosyaya li ser ‘Di Wêjeyê De Çîrok’ bi  naverokên wek Fehîma Deştan bi sernavê ‘Çîrok’, Imran Yûsiv bi navê “Çîrok di wêjeya kurdî de”, Pêşroj Cewherî bi navê ‘Pêşgotinek Li Pênava Pênasekirina Çîroka Kurdî De’ derkeve pêşberî xwînerên xwe.

Di hevpeyvîna vê hejmarê de Aram Hesen ligel çîroknivîskar Yaqob Tilermenî hevpeyvînek kiriye.

Di vê hejmarê de nivîsên kesên wekî Abdullah Ocalan, Diyar Bohtî, Lokman Polat, Narîn Omer, Beşîrê Mele Newaf, Îsmet Hesen, Mufîde Koto, Cemîl Xoce, Hêmin Heme Tewfîq, Salihê Heydo jî hatine weşandin.